VOV.Êđê- Tlam mbrue 28/4, ti Anôk bruă knŭk kna, Khua gĭt gai Tô Lâm kiă kriê leh knăm jao klei bi klă ruah mdưm Khua bi ala knŭk kna Việt Nam ti ala tač êngao.

VOV.Êđê- Aguah hruê 28/4, ti Hà Nội, Khua gĭt gai Đảng – Khua lăn čar Tô Lâm, Khua kiă kriê Êpul kahan djă phao ktuang ala ƀuôn, Khua Êpul hgŭm bruă lĭng kahan lehanăn răng mgang klei êđăp ênang gĭt gai Klei bi kƀĭn tal sa Êpul hgŭm wưng thŭn 2026–2031.

VOV.Êđê- Aguah mbrue 28/4, ti Sang dhar kreh mnuih mă bruă hgŭm Việt – Xô (Hà Nội), Khua bruă kƀĭn ala Trần Thanh Mẫn nao ti anôk bi hdơr 140 thŭn hrue mnuih mă bruă tar rŏng lăn, lehanăn mpŭ mni kơ 101 čô khua công đoàn nah gŭ jing kdlưn hĭn thŭn 2026.

VOV.Êđê- Tlam mbruê 27/4, Khua gĭt gai Đảng, Khua Lăn čar Tô Lâm gĭt gai mmông mă bruă hŏng Êpul khua bruă Đảng ƀuôn prŏng Hồ Chí Minh kơ bruă sĭt hluê ngă hdră mtrŭn Klei kƀĭn prŏng tal 14 mơ̆ng Đảng.

VOV.Êđê- Khua knŭk kna Lê Minh Hưng mrâo mâo mmông mă bruă hŏng Phŭn bruă dhar kreh, mjuăt asei mlei leh anăn hiu čhưn ênguê; mtă kơ Phŭn bruă brei gĭr hĭn, pral hĭn, jih ai tiê hĭn; êlam hĭn, tŭ dưn hĭn hlăm klei hlue ngă bruă klam.

VOV.Êđê- Gia Lai hlăk ruh mgiah hŏng klei pral jih jang anôk ala, pioh mkra êlan dơ̆ng pral Quy Nhơn – Pleiku, lehanăn ngă bruă phŭn mkăn, anăp truh bi liê jih 100% ênoh prăk duh bi liê kluôm

VOV.Êđê- Leh giăm 10 mlan ba yua gru hmô bruă knŭk kna alŭ wăl 2 gưl, boh sĭt ti čar Lâm Đồng brei ƀuh, mbĭt hŏng bruă kah mbha gưl hŏng klei klă nik lehanăn bi khuăt anôk bruă, bruă mđĭ boh tŭ ngă bruă, boh tŭ kriê dlăng hlăk jing bruă mjêč êdi. Hlăk êjai anăn, mtrŭt mđĭ hdră bi mlih mrô amâo djŏ knŏng jing hdră êlan ƀiădah jing hdră msir phŭn, đru bi mguôp dŭm gưl bruă, mđĭ hnơ̆ng tŭ jăk mkăp klei ngă bruă kơ mnuih ƀuôn sang lehanăn anôk bruă duh mkra, mđing truh kơ anôk bruă mrâo mrang, klă mngač lehanăn tŭ dưn hĭn

VOV.Êđê- Ksiêm dlăng jih jang bruă phŭn, Khua knơ̆ng bruă sang čư̆ êa čar Lâm Đồng Hồ Văn Mười mtă brei bi pral ruh mgiah anôk ala, lehanăn hyuă kjăp klei bhiăn duh bi liê kluôm, mđing mghaih msir dŭm anôk dôk dleh kpăk kơ bruă ngă hră mơar, pioh mjing klei găl kơ klei mđĭ kyar.

VOV.Êđê- Klei bi mguôp plah wah dap kngư liă lia leh anăn êa ksĭ mtah čuah kô̆ dôk mjing boh kdrŭt mrâo kơ hiu čhưn ênguê Lăn Dap Kngư leh anăn Ktuê hang ksĭ Dhŭng kwar Krah. Mơ̆ng čư̆ hngô ti Đà Lạt truh kơ êa poh yă ti Mũi Né, mơ̆ng ênai čing čhar dap kngư Buôn Ama Thuôt truh kơ mnơ̆ng hlăm êa ksĭ ti Hòn Yến- Dak Lak…sa wăl hiu čhưn ênguê dôk mkŏ mjing. Amâo djŏ knŏng jing anôk truh hliê ôh, klei bi mguôp dliê leh anăn êa ksĭ dôk mjing sa hdră “bi mgei ai tiê”, ƀăn ba hiu čhưn ênguê mơ̆ng krĭng wăl êdah kdlưn hlăm wưng mrâo.

VOV.Êđê - Hlăm dua hruê (22 leh anăn 23/4) ti čar Mondulkiri, Ala mtao Campuchia, Anôk bruă gĭt gai 515 čar Dak Lak leh anăn Anôk bruă thơ̆ng čar Mondulkiri mkŏ mjing leh Klei bi trông kơ bruă tŭ mă, ba wĭt kơ ala čar klang phung êngiă asei ba anăp Việt Nam.