VOV.Êđê-

VOV.Êđê- Leh hluê ngă bruă bi mŭt mbĭt, čar Lâm Đồng mrâo mâo ênhă dliê dôk mrô sa hlăm kluôm ala hŏng êbeh 1.1 êklăk ha. Ti lu alŭ wăl hlăm čar, khua mduôn, mnuih mâo kơhưm krĭng mnuih djuê ƀiă mâo bruă klam yuôm bhăn hlăm bruă răng mgang mđĭ kyar dliê. Diñu yơh jing phung "ală mta” mơ̆ng êpul răng mgang dliê thơ̆ng kơ bruă, ăt jing phung klam răng mgang dliê ti dŭm anôk mâo jao leh.

VOV.Êđê- Tŭ ư klei iêo jak mơ̆ng Khua bruă kƀĭn ala Dhŭng Korea Cho Jeong Sik lehanăn mô̆ ñu, Khua bruă kƀĭn ala Trần Thanh Mẫn lehanăn mô̆ ñu nao čhưn klă sĭt ti Dhŭng Korea mơ̆ng hruê 6 truh kơ 9/9/2026.

VOV.Êđê- Hruê mbruê 7/9, ti Hà Nội, bruă Đảng dŭm anôk bruă Đảng gưl dlông mkŏ mjing Klei bi kƀĭn Anôk dlăng bruă Đảng mlan 8. Trần Cẩm Tú, Khua hlăm Phŭn bruă kđi čar, Khua hlăm Anôk dlăng bruă Đảng, Khua bruă Đảng dŭm anôk bruă Đảng gưl dlông gĭt gai Klei bi kƀĭn.

VOV.Êđê- Ia Ly jing krĭng lăn mâo knhuah gru krŭ kdơ̆ng mơ̆ng čar Gia Lai. Hlăm dŭm thŭn mblah, mnuih ƀuôn sang tinei sa ai răng mgang ƀuôn sang, đru mguôp ai tiê, mnơ̆ng dhơ̆ng kơ hdră mblah. Hruê anei, knhuah gru anăn dôk dưi lŏ čuê hŏng dŭm hdră ngă mrâo hlăm hdră mđĭ kyar bruă duh mkra, kriê pioh dhar kreh leh anăn mkŏ mkra ƀuôn sang.

VOV.Êđê- Êbeh 80 thŭn êgao, hdră mđung mơ̆ng Sang mđung asăp blŭ Việt Nam truh leh hŏng grăp krĭng kwar lăn čar, hrăm mbĭt hŏng mnuih ƀuôn sang dŭm djuê ana. Hŏng klei K’Ho, hdră 25 thŭn anăn dôk dưi lŏ čuê hlăm wăl anôk mrô, čiăng kơ klei blŭ mơ̆ng Sang mđung asăp blŭ Việt Nam hŏng klei blŭ djuê ana amâo djŏ knŏng truh giăm hĭn hŏng mnuih ƀuôn sang, ƀiădah lŏ đru mguôp djă pioh klei blŭ, dhar kreh K’Ho hlăm klei hdĭp ară anei.

VOV.Êđê- Thŭn hriăm 2026-2027, dŭm sang hră knŭk kna rông ba mlir gưl ti dŭm să knông lăn nah Yŭ čar Gia Lai hrăm mbĭt mŭt ngă bruă, drông êbeh 6.800 čô hđeh sang hră. Anei jing gưl tal êlâo lu hđeh dưi hriăm, huă ƀơ̆ng leh anăn hlăp lêñ hlăm wăl anôk rông ba djăp ênŭm hĭn. Dŭm hruê anei, phung hđeh hơ̆k kdơ̆k mprăp nao sang hră mrâo, bi phung amĭ ama ăt hơĭt ai tiê kyua anak mâo nai mtô kriê dlăng mơ̆ng bruă hriăm truh kơ klei hdĭp mda.

VOV.Êđê- Thŭn hriăm anei, čar Lâm Đồng mâo êbeh 830.000 čô hđeh, hlăm anăn êbeh 182.000 čô hđeh mnuih djuê ƀiă. Ti krĭng taih kbưi, krĭng mnuih djuê ƀiă, klei mprăp kơ thŭn hriăm mrâo mbĭt hŏng dŭm boh sang hră dưi duh bi liê kjăp, klei jih ai tiê mơ̆ng nai mtô, jing klei bi mlih klă sĭt hlăm klei thâo săng mơ̆ng dŭm gŏ sang. Jih jang dôk mjing sa ai tiê mrâo, čiăng kơ phung hđeh krĭng dleh dlan čŏng pô mŭt hlăm thŭn hriăm mrâo hŏng lu klei găl hriăm hră, đĭ kyar leh anăn kpưn đĭ.

VOV.Êđê- Tlam hruê 3/9, Knơ̆ng bruă sang hră mtô bi hriăm čar Dak Lak mkŏ mjing Klei bi kƀĭn hưn mthâo dŭm klei bi mklă kơ hdră mkŏ dăp dŭm anôk bruă mtô bi hriăm hlăm Knơ̆ng bruă.

VOV.Êđê- Hruê 3/9, Khua knŭk kna Lê Minh Hưng Gĭt gai Klei bi kƀĭn Knŭk kna grăp gưl mlan 8/2026.