Hruê mbruê 7/9, ti Dhŭng Korea, Khua bruă kƀĭn ala Dhŭng Korea Cho Jeong Sik gĭt gai knăm tŭ drông yuôm bhăn Khua bruă kƀĭn ala Trần Thanh Mẫn lehanăn Êpul bi ala gưl dlông Việt Nam. Leh knăm tŭ drông, dua Khua bruă kƀĭn ala ngă klei bi trông. Dua tĭng bi trông kơ boh klei grăp ala čar lehanăn dŭm hdră êlan mtrŭt mđĭ klei bi mjĕ dua nah.

Dua tĭng bi tŭ ư krơ̆ng kjăp klei bi trông hdră êlan gưl dlông; pŏk ngă hdră tă bi hgŭm bruă duh mkra hlăm boh klei mrâo; gĭr ba hnơ̆ng bi mnia mblei dua nah truh 100 êklai USD hlăm thŭn 2026 leh anăn mđing truh 150 êklai USD hlăm thŭn 2030. Dhŭng Korea lŏ dơ̆ng mđing tal êlâo ODA amâo lŏ tla leh anăn klei găl kơ Việt Nam; mtrŭt mđĭ klei bi hgŭm kreh knhâo, kdrăp mrâo leh anăn mjing klei găl čiăng kơ anôk bruă duh mkra dua ala čar duh bi liê hơĭt kjăp, sui thŭn.