Hơ̆k mơak kơ klei mđĭ hĭn klei bi trông êpul plah wah bruă kƀĭn ala dua ala čar, Khua bruă kƀĭn ala mtă kơ êpul phung bi ala Việt Nam - Dhŭng Korea mkŏ mjing hdră ngă bruă klă klơ̆ng čiăng pŏk ngă, rơ̆ng boh tŭ dưn klă sĭt. Bi trông kơ klei dưi ba yua klei thâo mĭn anak mnuih hlăm bruă mkŏ mjing hdră bhiăn, Khua bruă kƀĭn ala Trần Thanh Mẫn brei thâo Việt Nam mâo leh Hdră bhiăn klei thâo mĭn anak mnuih leh anăn Bruă kƀĭn ala dôk mtrŭt mđĭ klei bi mlih mrô, mbĭt anăn mâo hdră ba yua AI hjăn hlăm bruă ngă mơ̆ng Bruă kƀĭn ala, dưi pŏk ngă hlăm brô êbeh sa thŭn êgao leh anăn ba wĭt boh tŭ dưn klă sĭt.

Mñă klă, Dhŭng Korea ară anei jing pô duh bi liê ala tač êngao prŏng hĭn mơ̆ng Việt Nam, Khua êpul hgŭm phung ngă bruă kƀĭn ala Việt Nam - Dhŭng Korea Moon Jin Seok čang hmăng mta kñăm mđĭ ênoh prăk bi mnia mblei dua nah truh 150 êklai USD hlăm thŭn 2030 srăng dưi bi sĭt găl ênưih; brei thâo Dhŭng Korea ăt čang hmăng dŭm anôk bruă duh mkra Dhŭng Korea nao hgŭm hlăm dŭm hdră bruă anôk bruă nah gŭ hnơ̆ng prŏng ti Việt Nam, hluê anăn mjing thiăm dŭm gru kruăk bi hgŭm mrâo, klă sĭt leh anăn mâo hnơ̆ng prŏng hlăm wưng đĭ kyar mrâo mơ̆ng klei bi mjĕ dua ala čar.