Blŭ mphŭn pŏk klei hriăm mjuăt, Trung tướng Lê Ngọc Hải, Khua gĭt gai kahan krĭng 5 brei thâo, Dak Lak jing alŭ wăl tal êlâo hlăm alŭ wăl kahan mkŏ mjing klei hriăm mjuăt krĭng răng mgang gưl čar hlăm wưng thŭn 2026 – 2031. Klei hriăm mjuăt mâo boh tŭ yuôm bhăn čiăng lŏ dơ̆ng hyuă kjăp, bi klă klei mĭn, hdră êlan mơ̆ng Đảng, hdră bhiăn mơ̆ng Knŭk kna kơ bruă mkŏ mjing hdră răng mgang lăn čar mguôp hŏng hdră răng mgang mnuih ƀuôn sang.

Mbĭt anăn mđĭ klei thâo kiă kriê, gĭt gai mơ̆ng gưl bruă Đảng nah gŭ, bruă sang čư̆ êa alŭ wăl; klei thâo kăp kčĕ, mkŏ mjing hluê ngă mơ̆ng dŭm anôk bruă, êpul êya hlăm bruă mkŏ mjing leh anăn ngă bruă krĭng wăl răng mgang mâo ngă hlăm klei bi hmô bruă sang čư̆ êa alŭ wăl 2 gưl; boh nik hlăm bruă msir mghaih dŭm boh klei kơ bruă lĭng kahan - răng mgang klei êđăp ênang.