Khua gĭt gai Đảng, Khua lăn čar Tô Lâm mñă klă Việt Nam dlăng yuôm nanao klei mjĕ giăm mơ̆ng đưm leh anăn Ƀĭng hgŭm hdră êlan kluôm dhuôm hŏng Russia, dlăng Russia jing sa hlăm dŭm ƀĭng hgŭm yuôm bhăn mrô sa hlăm hdră êlan hŏng tač êngao mơ̆ng Việt Nam. Việt Nam hdơr nanao leh anăn mpŭ kơ klei đru mguôp prŏng prĭn, sĭt suôr mơ̆ng mnuih ƀuôn sang Liên Xô êlâo dih leh anăn mnuih ƀuôn sang Russia ară anei hŏng bruă krŭ kdơ̆ng mtlaih êngiê djuê ana, hluh lir lăn čar, ăt msĕ mơh mkŏ mjing leh anăn răng mgang Ala čar.

Khua gĭt gai Đảng, Khua lăn čar mñă klă klei bi mjĕ Việt Nam-Russia dưi lông dlăng leh hlăm wưng leh êgao leh anăn dŭm klei bi mlih mơ̆ng boh klei dlông rŏng lăn, jing ngăn drăp mbĭt yuôm bhăn mơ̆ng dua djuê ana. Việt Nam čang hmăng dua tĭng lŏ dơ̆ng kriê pioh, mđĭ lar tur knơ̆ng jăk siam, mbĭt anăn thiăm mbŏ dŭm mta phŭn bi hgŭm mrâo, djŏ guôp hŏng klei čiăng mđĭ kyar hlăm wưng ară anei.