Phung bi ala bi trông kơ klei hưn mdah boh tŭ ngă bruă mlan 8, bruă klam phŭn mlan 9; hnơ̆ng mkŏ mjing phần mềm kriê dlăng bruă knuă leh anăn ksiêm dlăng phung knuă druh hlăm bruă Đảng. Klei bi kƀĭn ăt brei klei blŭ kơ hdră hluê ngă 5 hdră mtrŭn leh anăn 1 asăp mtrŭn mơ̆ng Phŭn bruă kđi čar; dŭm hdră msir mđĭ hnơ̆ng tŭ jăk klei bi kƀĭn bruă Đảng hluê si Asăp mtrŭn mrô 50 mơ̆ng Anôk dlăng bruă Đảng.

Hlăm mlan 9, bruă Đảng dŭm anôk bruă Đảng gưl dlông mđing mprăp kơ Klei bi kƀĭn gưl dlông 4 gưl 14; mtrŭt mđĭ hdră bi mlih mrô hlăm Anôk bruă mkŏ mjing Đảng; bi doh, bi klă anăn phung đảng viên, bi mklă hră mơar leh anăn pŏk ngă 4 klei ngă hră mơar mơ̆ng Đảng hlăm kdrăp điện tử. Mbĭt anăn, lŏ dơ̆ng ba yua Hdruôm hră đảng viên điện tử leh anăn ksiêm hriăm pŏk ngă hdră mđup brei Medai Đảng hlăm phần mềm Anăn phung đảng viên 4.0.