VOV.Êđê- Hruê anei (3/9), Phŭn bruă kđi čar, Anôk dlăng bruă Đảng mkŏ mjing Klei bi kƀĭn kluôm ala ksiêm hriăm, hluê ngă leh anăn pŏk ngă dŭm Hdră mtrŭn, Asăp mtrŭn mơ̆ng Phŭn bruă kđi čar.

VOV.Êđê- Bi hdơr 81 thŭn krŭ kdơ̆ng mlan 8 leh anăn hruê mkŏ mjing ala čar 2/9, hrue mbrue (2/9), Khua gĭt gai Đảng, Khua lăn čar Tô Lâm nao čuă msat Khua gĭt gai Hồ Chí Minh leh anăn nao čuh brui mngưi bi hdơr kơ Ñu ti Sang 67 hlăm Wăl knhuah gru Khua gĭt gai Hồ Chí Minh ti Anôk bruă Khua lăn čar.

VOV.Êđê- 81 thŭn leh Hruê kgŭ krŭ kdơ̆ng Mlan Sa leh anăn Hruê mkŏ mjing ala čar 2/9, klei yuôm bhăn mơ̆ng klei êngiê, klei êđăp ênang ăt jing ai ktang ai tiê čiăng kơ dŭm gưl mnuih Việt Nam lŏ dơ̆ng rŭ mdơ̆ng leh anăn răng mgang Ala čar. Ti Dak Lak, ai tiê anăn dôk dưi lŏ čuê hŏng bruă klam leh anăn klei čang hmăng duh myơr mơ̆ng phung mda asei.

VOV.Êđê- Wưng hruê mkŏ mjing ala čar 2/9, mnuih ƀuôn sang dŭm djuê ana ƀiă ti Lăn Dap Kngư mâo wưng dưi ƀuh klă hĭn kơ klei hdĭp ƀrư̆ hruê ƀrư̆ đĭ kyar, klei bi mguôp êpul êya ƀrư̆ kjăp, hơĭt ai tiê đăo knang hlăm klei gĭt gai mơ̆ng Đảng leh anăn Knŭk kna.

VOV.Êđê- Thiếu tá Lại Văn Đạt, knuă druh Êpul răng mgang klei êđăp ênang, kahan ksiêm să Phú Thiện, čar Gia Lai dôk dưi bi lar ktang phĭt hlăm hla pŏk yang ƀuôn hŏng gru hmô "Kahan ksiêm truh kơ ƀuôn sang". Ñu čŏng hriăm klei Jarai hlăm hdră nao ti alŭ wăl, bi tuôm hŏng mnuih ƀuôn sang, hâo hưn hdră êlan mơ̆ng Đảng leh anăn Knŭk kna, mbĭt anăn mâo dŭm hnư mnơ̆ng yuôm bhăn mđup brei kơ phung hđeh dleh dlan mprăp mŭt hlăm thŭn hriăm mrâo.

VOV.Êđê- Hruê anei, djăp krĭng kwar ala čar mčhĭt muăt hla čhiăm gru hrah mtŭ kñĭ, jih jang djuê ana Việt Nam hrăm mbĭt hơ̆k mơak hruê Têt hnŭk êngiê - Bi hdơr 81 thŭn krŭ kdơ̆ng mlan 8 tŭ jing leh anăn hruê mkŏ mjing ala čar yang ƀuôn ngă phŭn êngiê Việt Nam (2/9/1945 - 2/9/2026). Drei lŏ bi hdơr knhuah gru kdrưh kơăm hlăm hƀuê ênuk djuê ana: Mơ̆ng sa ala čar mtao tŭng mâo ala tač êngao kiă kriê, ti gŭ hla čhiăm gru mơ̆ng Đảng cộng sản Việt Nam, jih jang djuê ana kgŭ kdơ̆ng, sua wĭt klei êngiê mơ̆ng phung plah mmiă, yang ƀuôn ngă phŭn êngiê mkŏ mjing knŭk kna Việt Nam, ala čar mơ̆ng mnuih ƀuôn sang, kơ mnuih ƀuôn sang leh anăn kyua kơ mnuih ƀuôn sang.

VOV.Êđê- Ti čar Gia Lai, hluê hriăm leh anăn hluê ngă klei mĭn, knhuah hdĭp, knhuah mĭn, knhuah mă bruă Hồ Chí Minh dôk dưi bi klă hŏng dŭm bruă ngă giăm mnuih ƀuôn sang, kyua mnuih ƀuôn sang. Mơ̆ng hdră ngă anei, lu hdră êlan, hdră mtrŭn dưi pŏk ngă djŏ guôp hŏng boh sĭt, mjing klei sa ai hlăm mnuih ƀuôn sang, đru mtrŭt mđĭ bruă duh mkra - ala ƀuôn alŭ wăl đĭ kyar. Ti gŭ anei jing boh sĭt ti să Ia Hiao, anôk mâo phung knuă druh, đảng viên mprăp myơr lăn pŏk êlan, ruh mgaih anôk ala, mjing klei sa ai, mtrŭt mđĭ ai mnuih ƀuôn sang čiăng mđĭ kyar.

VOV.Êđê- Dŭm hruê anei, kluôm ala hơ̆k mơak bi hdơr 81 thŭn Hruê mkŏ mjing ala čar 2/9. Hơ̆k mơak hŏng knhuah gru hing ang hƀuê ênuk djuê ana, grăp čô mnuih Lăn Dap Kngư lŏ bŏ hŏng klei mgei ai tiê, hdơr kơ Awa Hồ - khua gĭt gai khăp čiăng mâo răk leh klei hưn mdah klei êngiê, mkŏ mjing ala čar Việt Nam Dân chủ Cộng hòa, ară anei jing ala čar yang ƀuôn ngă phŭn êngiê Việt Nam. Hdơr kơ Awa Hồ, mnuih Lăn Dap Kngư ƀrư̆ bi mguôp, gĭr ktưn mkŏ mjing ƀuôn sang ƀrư̆ hruê ƀrư̆ mlih mrâo, mdrŏng siam:

VOV.Êđê- Čar Dak Lak pŏk ngă hdră bruă phŭn "30 hruê mlam" ksiêm dlăng, bi mklă, mkra mlih, bi mrâo leh anăn mkŏ klei čih pioh mrô krĭng pla mjing, anôk đŭng hruh boh durian. Anei amâo djŏ knŏng jing hdră msir ruh mgaih dŭm anôk kpăk đuôm ti anăp hlăm bruă tui duah phŭn agha, ƀiădah lŏ jing knhuang bi mlih mơ̆ng hdră kriê dlăng bruă knŭk kna hđăp jing kriê dlăng mrâo mrang hluê hŏng klei čih pioh, đru mguôp klă klơ̆ng bi sĭt ai tiê Hdră mtrŭn 57 mơ̆ng Phŭn bruă kđi čar kơ klei kdlưn hĭn mđĭ kyar klei kreh knhâo, kdrăp mrâo, mlih mrâo mbruă leh anăn bi mlih mrô ala čar.

VOV.Êđê- Mlan 8 thŭn 1945, êbeh 20 êklăk čô mnuih ƀuôn sang kluôm ala sa ai kgŭ kdơ̆ng, mkŏ mjing klei tŭ dưi mơ̆ng Klei krŭ kdơ̆ng mlan 8, mkŏ mjing ala čar Việt Nam Dân chủ Cộng hòa. 81 thŭn êgao, ai tiê anăn amâo mdei dưi lŏ čuê: mơ̆ng sua mă klei dưi truh kơ mkŏ mjing klei dưi, mơ̆ng mtlaih êngiê djuê ana truh kơ krŭ wĭt klei mĭn mrâo, mkŏ mjing Việt Nam mdrŏng ktang, sah mdrŏng. Tơdah thŭn 1945, "kgŭ kdơ̆ng" jing kgŭ kdơ̆ng sua mă klei êngiê, snăn hruê anei, anăn jing ai tiê čŏng pô mlih mrâo, jhŏng bi rai klei kpăk gun, ba lăn čar mŭt hlăm ênuk mrâo.