VOV.Êđê- Ti dŭm krĭng taih kbưi, krĭng mnuih djuê ƀiă, krĭng knông lăn mơ̆ng čar Dak Lak, bruă mprăp kơ thŭn hriăm mrâo amâo djŏ knŏng mkra mđĭ sang hră, ƀiădah lŏ jing hdră ba grăp čô hđeh nao sang hră leh anăn krơ̆ng kơ diñu dôk ti adŭ hriăm. Hŏng dŭm gŏ sang dôk hlăm klei dleh dlan, klei hrăm mbĭt mơ̆ng phung nai khăng kčưm mơ̆ng dŭm mta mnơ̆ng yua msĕ si hdruôm hră, giê čih truh kơ kdrăp êrô êbat.

VOV.Êđê- Êpul mă bruă mơ̆ng Phŭn bruă ngăn prăk mrâo mâo leh mmông mă bruă hŏng Anôk bruă sang čư̆ êa čar Quảng Ngãi kơ bruă mđĭ kyar bruă duh mkra ala ƀuôn mơ̆ng alŭ wăl anei.

VOV.Êđê- Tlam (27/8), ti Anôk bruă Đảng gưl dlông, Khua gĭt gai Đảng, Khua lăn čar Tô Lâm gĭt gai mmông mă bruă hŏng Anôk bruă mkŏ mjing gưl dlông leh anăn dŭm anôk bruă djŏ tuôm brei klei blŭ kơ Hdră mtrŭn mđĭ hĭn, mkŏ mjing bi kjăp Đảng leh anăn anôk bruă kđi čar doh mngač, kjăp ktang kluôm dhuôm, mkăp djŏ hŏng klei čiăng mđĭ kyar mơ̆ng lăn čar hlăm wưng mrâo.

VOV.Êđê- Knơ̆ng bruă sang čư̆ êa čar Dak Lak ba mdah leh hdră mtrŭn tŭ ư kơ knơ̆ng bruă mguôp hnư mđĭ kyar pui kmlă lŏ mjing Nam Việt Phú Yên pŏk ngă hdră bruă sang măi pui kmlă êran hŏng angĭn hnơ̆ng 48 MW, ênoh bi liê giăm 1.460 êklai prăk.

VOV.Êđê- Tlam 27/8, ti anôk bruă knŭk kna, Khua knŭk kna Lê Minh Hưng drông pô bi ala, Khua kiă kriê anôk bruă bi ala dŭm ala čar ASEAN hriê kkuh čhưn.

VOV.Êđê- Êpul ngă bruă mơ̆ng Knơ̆ng bruă sang čư̆ êa čar Dak Lak ksiêm dlăng dua hdră bruă wăl krah phŭn ti ƀuôn hgŭm Tân An.

VOV.Êđê- Hruê mbruê 27/8, Khua Anôk bruă hâo hưn mtô mblang gưl dlông Trịnh Văn Quyết nao leh anăn mđup brei Medai 80 thŭn Đảng kơ 3 čô đảng viên khua thŭn ti alŭ wăl čar Thanh Hóa.

VOV.Êđê- Hruê mbruê (27/08), ti gŭ klei gĭt gai mơ̆ng Khua knŭk kna Lê Minh Hưng, Phŭn bruă sang hră mtô bi hriăm mkŏ mjing Klei bi kƀĭn ksiêm wĭt thŭn hriăm 2025-2026, pŏk ngă bruă klam thŭn hriăm 2026-2027

VOV.Êđê- Bi hdơr 81 thŭn klei krŭ kgŭ kdơ̆ng mlan 8 tŭ jing leh anăn hruê mkŏ mjing ala čar 2/9, aguah mbruê 27/8, ti Hà Nội, Khua bruă kƀĭn ala Trần Thanh Mẫn nao hlăm knăm hưn mthâo hdruôm hră "Klei ktang mơ̆ng djuê ana Việt Nam hlăm hdră mkŏ mkra leh anăn răng mgang ala čar" mơ̆ng Đại tướng Lương Cường, Khua lăn čar yang ƀuôn ngă phŭn Việt Nam êlâo dih.

VOV.Êđê- Tlam mbruê 26/8, čar Dak Lak mkŏ mjing klei kƀĭn trông ksiêm wĭt boh tŭ dưn hluê ngă hră bi hdơr kơ klei bi hgŭm leh anăn bi mguôp hŏng čar Mondulkiri, Campuchia wưng thŭn 2024 - 2025.