Bi ala kơ khua gĭt gai Đảng, Knŭk kna, Khua Anôk bruă hâo hưn mtô mblang gưl dlông Trịnh Văn Quyết mđup brei Medai 80 thŭn Đảng leh anăn mđup brei mnga hơêč hmưi kơ phung đảng viên: Lê Thị Thủy, ti alŭ Trung Thôn, să Thọ Long; Nguyễn Xuân Trớc, ti mrô sang 03/319 Lê Thánh Tông, ƀuôn hgŭm Hạc Thành; Trịnh Khắc Thuần, ti mrô sang 11 êlan Đỗ Hành, ƀuôn hgŭm Hạc Thành.

Ti gŏ sang phung đảng viên mâo mă Medai 80 thŭn Đảng, Khua Anôk bruă hâo hưn mtô mblang gưl dlông Trịnh Văn Quyết mñă klă: Anei amâo djŏ knŏng jing klei myun prŏng hŏng grăp čô đảng viên leh anăn gŏ sang, ƀiădah lŏ jing wưng čiăng mtô mblang knhuah gru cách mạng, bi mbŏ klei đăo knang, klei mĭn leh anăn bruă klam kơ ênuk ară anei, boh nik jing phung mda asei. Mbĭt hŏng Khua Anôk bruă hâo hưn mtô mblang gưl dlông čang hmăng, phung đảng viên dưi mđup brei Medai 80 thŭn Đảng krơ̆ng kjăp klei suaih pral, jing gru mngač čiăng kơ phung knuă druh, đảng viên leh anăn anak čô tui hriăm, hluê ngă.