Dua hdră bruă mâo Wăl ƀuôn prŏng alŭ 8, hnơ̆ng prŏng êbeh 19 ha, tĭng ênoh mphŭn pŏk êbeh 1.682 êklai prăk; leh anăn Wăl ƀuôn prŏng kreh dhar, hiu čhưn ênguê djuê ana Dak Lak, hnơ̆ng prŏng êbeh 44 ha, tĭng ênoh mphŭn pŏk êbeh 2.321 êklai prăk. Jih dua dưi hluê ngă hŏng hdră bi lông čhĭ hdră bruă leh anăn dôk bi leh dŭm hră mơar djŏ tuôm.

Ti Wăl ƀuôn prŏng mtah dhar kreh, hiu čhưn ênguê djuê ana Dak Lak, bruă ruh mgaih anôk ala dôk tuôm hŏng klei dleh kyua dŭm klei amâo thâo klă phŭn agha lăn, hlăk êjai ênoh prăk ngă bruă dôk kƀah kyua êgao ênoh duh bi liê. Ksiêm dlăng alŭ wăl krĭng ênao êa Ea Nao, dôk ktuê krĭng nah Ngŏ mơ̆ng Wăl ƀuôn prŏng mtah dhar kreh, hiu čhưn ênguê djuê ana čar Dak Lak, Khua knơ̆ng bruă sang čư̆ êa čar Đỗ Hữu Huy lač klei mkra mjing ară anei ka dưi ba yua jih ênoh yuôm wăl anôk leh anăn ênhă lăn djiêu gah ênao êa. Ñu mtă brei ksiêm dlăng mkra mlih hdră čuăl mkă, dăp anôk bruă nah gŭ djŏ guôp, mđĭ lar wăl anôk, mjing hnư hrui wĭt čiăng lŏ duh bi liê kơ anôk bruă nah gŭ leh anăn rŭ mdơ̆ng wăl anôk.