Dŭm thŭn êgao, klei bi mguôp plah wah dua čar dưi rơ̆ng klei hơĭt kjăp, hŏng 14 êpul găn êrô, dŭm mta bruă mtrŭt mđĭ klei mnia mblei, mkŏ knơ̆ng bruă, mjĕ mjuk dhar kreh, hiu čhưn ênguê leh anăn mnuih ƀuôn sang dưi hluê ngă. Knơ̆ng bruă Dak Lak lŏ dơ̆ng duh bi liê pla mjing, kriê dlăng, hrui mă leh anăn mkra mjing ksu ti čar Mondulkiri, hŏng êbeh 1.623 ha ksu hrui mă. Dua tĭng bi mguôp kiă kriê, răng mgang êlan knông lăn taih giăm 73 km leh anăn tui duah, bi kƀĭn, ba wĭt klang kleh lĭng kahan êngiă asei.

Wưng thŭn 2026 - 2030, dua čar srăng mtrŭt mđĭ klei bi mguôp bruă lŏ hma hơĭt kjăp, răng mgang dliê, bi lu jơr mnơ̆ng hdĭp, mtrŭt mđĭ klei pŏk ƀăng jang knông lăn Đak Ruê - Chi Miết, duh bi liê kơ êlan klông, gang mkhư̆ phung ngă soh hluh knông lăn, mđĭ kyar bruă hiu čhưn ênguê, sang hră mơar, bruă mdrao mgŭn leh anăn mjĕ mjing hŏng dŭm alŭ wăl knông lăn=