Tlam 26/8, ti čar Cao Bằng, Êpul mă bruă  khua gĭt gai Đảng, Knŭk kna leh anăn Phŭn bruă lĭng kahan kyua Đại tướng Phan Văn Giang,  Khua hlăm Phŭn bruă kđi čar, K’iăng Khua Knŭk kna, Khua phŭn bruă Lĭng kahan ngă khua êpul, nao leh anăn mđup brei Anăn knăl 80 thŭn Đảng gưl 2/9/2026 kơ đảng viên Nguyễn Khánh Trung, dôk kƀĭn hlăm Êpul bruă Đảng alŭ Hoàng Tung, ƀuôn hgŭm Thục Phán.

Blŭ hrăm ti anôk bi kƀĭn, Đại tướng Phan Văn Giang hơêč hmưi kơ Nguyễn Khánh Trung ktưn hưn mâo mă Anăn knăl 80 thŭn Đảng, klei pah mni yuôm bhăn čih yap hdră hriăm mjuăt, duh myơr kơ bruă cách mạng mơ̆ng Đảng.  Anei ăt jing klei ktưn hưn mơ̆ng gŏ sang, ƀuôn sang leh anăn bruă Đảng čar Cao Bằng. Đại tướng Phan Văn Giang mñă klă,  tuôm mă bruă hlăm lu anôk, ngă lu bruă klam, Nguyễn Khánh Trung krơ̆ng kjăp nanao knhuah kđi čar, sĭt suôr hŏng Đảng, čar kwar leh anăn mnuih ƀuôn sang; jih ai tiê, bi hmô, jĕ giăm hŏng mnuih ƀuôn sang. Leh mdei mă bruă, ñu lŏ dơ̆ng kriê pioh knhuah hdĭp, gĭr hgŭm hlăm hdră bruă ti alŭ wăl, jing anôk đăo knang hlăm ai tiê kơ gŏ sang leh anăn mnuih ƀuôn sang.