Hlăm mmông mă bruă, Khua gĭt gai Đảng, Khua lăn čar Tô Lâm mñă klă,  bruă ksiêm dlăng Hdră mtrŭn mrô 26 brei ksiêm dlăng kluôm boh tŭ dưi mâo, lač klă kơ klei kƀah leh anăn mta phŭn; mbĭt anăn mă klei hriăm klei thâo, mjing tur knơ̆ng kčĕ dŭm hdră êlan, hdră msir kơ bruă knuă druh hlăm wưng mrâo. Khua gĭt gai Đảng, Khua lăn čar mtă bruă ksiêm dlăng brei păn kjăp boh sĭt, boh nik dŭm bruă bluh mâo hlăm hdră mkŏ mjing êpul mă bruă, mbha gưl, mbha klei dưi leh anăn ba yua bruă sang čư̆ êa alŭ wăl.

Boh phŭn ksiêm dlăng brei bi mklă klei adôk kpăk, dŭm hdră kčah amâo lŏ djŏ guôp čiăng akâo mkra mlih, mbŏ. Mbĭt anăn, brei lŏ dơ̆ng mlih mrâo ktang bruă knuă druh hlue si hdră ruah djŏ mnuih, jao djŏ bruă, ksiêm dlăng knuă druh hŏng boh tŭ ngă bruă klam; mđing mkŏ mjing êpul knuă druh mâo klei thâo kđi čar, knhuah hdĭp, klei thâo boh sĭt, ngă djŏ klei čiăng mđĭ kyar lăn čar hlăm wưng mrâo.