Hlăm gưl kƀĭn, Khua Knŭk kna mñă brei lŏ dơ̆ng ksiêm dlăng klă hdră bhiăn,  hdră bhiăn phŭn, răng mgang klei sa anăn, hrăm mbĭt leh anăn klei dưi mơ̆ng dŭm hdră bhiăn, amâo mâo ba hlăm hdră bhiăn dŭm hdră êlan ka dưi bi klă ênŭm amâodah amâo mâo klă anăp đru kơ mkra kñăm mkra mlih. Boh nik, amâo brei mâo anôk huâng ênưih lĕ hlăm klei mjhua, bluh mâo klei amâo mâo jăk amâodah mdưm boh tŭ êpul hjăn.

Khua Knŭk kna mñă kơ dŭm anôk bruă mjêč bi leh hră mơar, rơ̆ng kơ hnơ̆ng jăk, hdră hưn mdah hŏng dhar bruă Bruă Kbĭn ala leh anăn hưn mdah hŏng Bruă Kbĭn ala hlăm klei kƀĭn knhal jih thŭn. Mbĭt anăn, čŏng pô bi mguôp kjăp hŏng dŭm anôk bruă mơ̆ng Bruă Kbĭn ala, dŭm phŭn, dhar bruă djŏ tuôm, mđing hmư̆ klei blŭ mguôp mơ̆ng phung thơ̆ng kơ bruă hlăm klei ksiêm dlăng, bi kluôm hdră bhiăn.