Hŏng êbeh 400 pŏk hla, hdruôm hră hrŏng ruah 51 klei čih, klei blŭ hrăm hlăm dŭm êtuh klei čih mơ̆ng Đại tướng Lương Cường hlăm wưng păn ngă khua gĭt gai phŭn mơ̆ng Đảng leh anăn Knŭk kna. Boh phŭn hdruôm hră bi êdah klei mĭn, hdră tă mơ̆ng ñu hlăm dŭm mta bruă phŭn mơ̆ng lăn čar.

Hdruôm hră dưi kđăm mkra leh anăn hưn mthâo hlăm wưng kluôm Đảng, jih jang mnuih ƀuôn sang, lĭng kahan dôk mđing pŏk hluê ngă hdră mtrŭn klei bi kƀĭn XIV mơ̆ng Đảng, srăng đru bi lar dŭm boh tŭ dưn jăk siam mơ̆ng cách mạng Việt Nam, mđĭ ai khăp kơ lăn čar, klei gĭr čŏng pô, leh anăn klei čang hmăng duh myơr, mđĭ lar ai ktang bi hgŭm jih jang djuê ana hlăm hdră mkŏ mkra leh anăn răng mgang lăn čar hlăm ênuk đĭ kyar mrâo