Hŏng klei mĭn mtô bi hriăm jing hdră êlan phŭn, Khua knŭk kna Lê Minh Hưng mñă klă, Đảng, Knŭk kna leh anăn kluôm yang ƀuôn mâo nanao klei mđing dlăng kơ bruă mtô bi hriăm - mjuăt bi hriăm. Thŭn hriăm mrâo 2026 - 2027 mdưm klei čiăng êdi jing brei mjing boh kdrŭt leh anăn bi mlih klă sĭt hlăm bruă mtô bi hriăm leh anăn mjuăt bi hriăm.

Mta kñăm knhal tuič jing mnuih hriăm jăk hĭn, nai mtô jăk hĭn, sang hră jăk hĭn leh anăn mnuih mă bruă mơ̆ng lăn čar ăt jăk hĭn. Khua knŭk kna đăo knang hŏng klei hur har, klei đua klam, klei gĭr, klei čang hmăng mlih mrâo thŭn hriăm 2026 - 2027 klă sĭt jing thŭn hriăm mlih mrâo klei mĭn, bi mlih ktang leh anăn boh tŭ klă sĭt; mjing tur knơ̆ng kjăp čiăng kdlưn hĭn mđĭ kyar bruă mtô bi hriăm, ba lăn čar ƀrư̆ hruê ƀrư̆ đĭ kyar hlăm wưng kơ anăp.