VOV.Êđê - Aguah mbruê 15/4, leh knăm tŭ drông gưl Knŭk kna ti Đại Lễ đường nhân dân, ƀuôn prŏng phŭn Bắc Kinh, China hluê si hdră bhiăn yuôm hĭn kơ Khua gĭt gai ala čar, Khua gĭt gai Đảng Cộng sản Việt Nam, Khua lăn čar ala čar yang ƀuôn ngă phŭn Việt Nam Tô Lâm blŭ hrăm leh hŏng khua gĭt gai China Tập Cận Bình.

VOV.Êđê - Hlăm 2 hruê, hruê 14 lehanăn 15/4, Anôk dlăng bruă Êpul gơ̆ng bruă ƀuôn sang čar Dak Lak bi hgŭm hŏng Dhar bruă mơ̆ng phung bi ala mơ̆ng Anôk bruă kƀĭn ala mkŏ mjing klei bi trông, mjuăt bi hriăm klei thâo ngă bruă kơ phung bi ala Êpul gơ̆ng bruă ƀuôn sang dŭm gưl, wưng thŭn 2026–2031.

VOV.Êđê - Knơ̆ng bruă sang čư̆ êa čar Khánh Hòa mtă kơ dŭm knơ̆ng dhar bruă pral ksiêm wĭt ênoh čuăn bruă rŭ mdơ̆ng ti alŭ wăl, čiăng dưi jing ƀuôn prŏng gưl dlông hlăm thŭn 2028.

VOV.Êđê - Khua anôk bruă kƀĭn ala čang hmăng êpul êya mnuih Việt Nam ti Italia krơ̆ng kjăp knhuah dhar kreh đưm djuê ana, klei blŭ djuê ana, boh nik hluê ngă kjăp hdră bhiăn ti anôk pô dôk.

VOV.Êđê - Tlam 14/4, ti Sang bi kƀĭn prŏng yang ƀuôn, ti ƀuôn prŏng phŭn Bắc Kinh, Khua gĭt gai Đảng, Khua lăn čar Tô Lâm bi tuôm leh hŏng Khua hlăm Phŭn bruă kđi čar Đảng Cộng sản gưl dlông China, Khua Dhar bruă Mặt trận kluôm ala čar China Vương Hộ Ninh.

VOV.Êđê - Hruê (14/4), ti Anôk bruă Knŭk kna, Khua knŭk kna Lê Minh Hưng gĭt gai mmông mă bruă hŏng Phŭn bruă mdrao mgŭn.

VOV.Êđê - Hrue mbrue (14/4), ti anôk bi kƀĭn tal sa, dhar bruă gĭt gai bruă kƀĭn ala ksiêm dlăng leh klei hâo mdah kluôm kơ bruă čuăl mkă dơ knua bruă hdră bhiăn mơ̆ng dhar bruă gĭt gai bruă kƀĭn ala klam ngă, mă klei blŭ kơ klei čih mkra klei hâo mdah kluôm, bi klin dŭm klei blŭ mơ̆ng mnuih ƀuôn sang, pioh ba kơ anôk bi kƀĭn tal sa, bruă kƀĭn ala gưl 16.

VOV.Êđê - Hrue mbrue 14-4, êdeh phiơr mdiăng khua gĭt gai Tô Lâm mbĭt hŏng mô̆ ñu, lehanăn êpul khua prŏng ala čar drei trŭn leh ti tač êdeh phiơr prŏng Bắc Kinh, kčưm klei nao čhưn kơ ala čar China, tui si klei jak iêo mơ̆ng Khua gĭt gai ala čar China Tập Cận Bình.

VOV.Êđê - Mơ̆ng dŭm brŏng rông hŏng ksu HDPE ƀrư̆ ƀrư̆ hrô kơ kơ kĭ kyâo, dhar bruă djŏ tuôm čar Khánh Hoà dôk mtrŭt bruă rông êa ksĭ hŏng kdră mrâo mrang čiăng mđĭ hnơ̆ng trah mă, bi hrŏ ênoh bi liê leh anăn ksiêm dlăng wăl hdĭp mda. Gru hmô anei amâodjŏ knŏng msir klei kpăk mơ̆ng hdră đưm ƀiădah lŏ pŏk wăl đĭ kyar hơĭt kjăp, nao mbĭt hŏng tui duah phŭn agha leh anăn klei doh êƀăt mnơ̆ng dhơ̆ng, ba Khánh Hoà jing alŭ wăl nao êlâo hlăm bruă rông êa ksĭ hŏng kdrăp mrâo mrang.

VOV.Êđê - Mmăt 13/4, ti čar Quảng Ninh mkŏ mjing leh Knăm mjưh ruê̆ leh anăn mđup brei Klei pah mni bi lông hdră mđung asăp kluôm ala tal 17 - Quảng Ninh 2026.