Khua Knŭk kna Lê Minh Hưng mñă klă Việt Nam dlăng yuôm bhăn klei bi hgŭm knhuah gru leh anăn bi mguôp kluôm dhuôm hŏng Chile. Khua Knŭk kna mñă kơ dua tĭng lŏ dơ̆ng mtrŭt mđĭ  klei bi trông êpul dŭm gưl, boh nik jing gưl dlông, hluê ngă tŭ dưn dŭm hdră bi mguôp, mkŏ mjing klei găl čiăng kơ mnơ̆ng dhơ̆ng găl truh anôk mnia mblei hdơ̆ng pô, mđĭ hĭn klei bi mguôp bruă ngăn prăk - knơ̆ng prăk, klei kreh knhâo mrâo mrang, bruă lĭng kahan - răng mgang klei êđăp ênang.

Mbĭt anăn, mtrŭt mđĭ klei bi mguôp dŭ mdiăng, bruă nah tluôn leh anăn klei mkăp brei, bi lar bruă klam jing ƀăng bhă mkŏ Ngŏ Dhŭng Asi leh anăn Mi Latino. Khua phŭn bruă Francisco Pérez Mackenna mñă klă dlăng kơ Việt Nam jing ƀĭng hgŭm yuôm bhăn mrô 1 ti Ngŏ Dhŭng Asi, hmăng hmưi mđĭ hĭn klei bi mguôp kơ bruă duh mkra mnia mblei, duh bi liê, bruă lŏ hma, mă mnơ̆ng gŭ lăn, bi mlih pui kmlă leh anăn klei kreh knhâo mrâo mrang.