Dak Lak: bi kƀĭn klang kleh lĭng kahan djiê êngiă leh 13 thŭn mâo mnuih ƀuôn sang kriê dlăng
Thứ ba, 09:55, 25/08/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Hruê mbruê 24/8, êpul êya djŏ tuôm čar Dak Lak ngă leh bruă ksiêm dlăng, kuai mă sa klang kleh lĭng kahan êngiă asei ti Msat đang pla mjing Čư̆ Kbô, să Krông Ƀŭk, mơ̆ng klei hưn mơ̆ng mnuih ƀuôn sang.
Hluê si Lê Văn Tuấn, mnuih ƀuôn sang ti alŭ Bình Minh, thŭn 2013, êjai dôk klei ƀăng mkra tur ƀăng jang, gŏ sang ƀuh sa blah ƀaih mâo klang kleh leh anăn lu mta mnơ̆ng. Ñu mbĭt hŏng mnuih ƀuôn sang ba klang kleh wĭt dơr ti msat đang pla mjing Čư̆ Kbô. Dăl hlăm 13 thŭn êgao, gŏ sang kreh nao jah waih, dlăng kriê msat. Mlan 8/20269, leh hmư̆ klei hâo hưn kơ hdră bruă 500 hruê mlam, ñu hưn kơ êpul bruă djŏ tuôm.
Êpul K51 leh anăn kuai mă klang kleh mbĭt hŏng lu mta mnơ̆ng msĕ si čhum ao lĭng kahan, jep ksu, ksi, mnal, klei leh anăn ao hjan lĭng kahan. Êpul ngă bruă mă mta êgei ksiêm mkă ADN. Klang kleh dôk dưi kriê pioh, guôn čang ênuh leh anăn ba dơr.
Viết bình luận