Gia Lai bi kƀĭn 3 klang kleh lĭng kahan êngiă asei ti Campuchia
Thứ ba, 08:32, 25/08/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Knơ̆ng gĭt gai lĭng kahan čar Gia Lai brei thâo, hlăm 2 hruê mơ̆ng 22 - 23/8, Êpul k52 nao duah, bi kƀĭn mâo 3 klang kleh lĭng kahan êngiă asei leh anăn phung thơ̆ng kơ bruă Việt Nam djiê êngiă ti dua čar Stung Treng leh anăn Ratanakiri, Campuchia.
Ti Ratanakiri, klei hưn mơ̆ng Sêu Than, ti ƀuôn Lâm, să Bọ Nhầy, kdriêk Oyadav, êpul ngă bruă tui duah bi klă, ksiêm dlăng alŭ wăl dliê Mung Tum, kbưi hŏng ƀuôn 9km nao phă Ngŏ, leh anăn dưi bi kƀĭn 2 klang kleh lĭng kahan êngiă asei.
Ti Stung Treng, mơ̆ng klei hưn mơ̆ng Đeng Keo, 67 thŭn, ti ƀuôn Phum Pha Bang, să Thmor Keo, kdriêk Siêm Pang, Êpul K52 ƀuh ti tluôn ƀuôn Nhang Sum leh anăn bi kƀĭn 1 klang kleh lĭng kahan êngiă asei. Dŭm klang kleh ka dưi bi klă hlei pô, dưi bi klă djiê hlăm ênuk mblah Mi. Êpul ngă bruă ăt hmao ƀuh lu mta mnơ̆ng msĕ si boh nŭt ao, jep ksu, camen, čhiên msei. Mơ̆ng hdră bruă 500 hruê mlam, mơ̆ng hruê 13/8 truh kơ ară anei, Êpul K52, čar Gia Lai bi kƀĭn leh mâo 5 klang kleh lĭng kahan djiê êngiă.
Viết bình luận