Khua Anôk bruă kƀĭn ala Trần Thanh Mẫn lehanăn Mô̆ ñu Nguyễn Thị Thanh Nga nao hgŭm hlăm Hdră. Hdră kdŏ mmuñ lŏ bi êdah hdră êlan mơ̆ng yan hla luh Cách mạng thŭn 1945, klei mkŏ mjing Anôk bruă kƀĭn ala gưl I truh kơ 80 thŭn Anôk bruă kƀĭn ala hrăm mbĭt hŏng djuê ana, mkŏ mjing lăn čar hlăm ênuk gưl mrâo. Ti knăm anei, phung dlăng dưi lŏ wĭt hdĭp dŭm mnĭt mmông jhŏng ktang mơ̆ng dŭm klei mmuñ nao mbĭt hŏng dŭm thŭn mlan msĕ si Hla čhiăm gru Đảng, Plah wah dua tĭng, Hưn mdah kơ Khua gĭt gai Hồ Chí Minh, Klei Awa mtă êlâo kơ nao kbưi, Mtlaih êngiê kwar Dhŭng, …

Mbĭt hŏng dŭm klei mmuñ bŏ hŏng klei khăp jing dŭm pŏk hdruôm hră yuôm bhăn leh anăn klei bi blŭ hrăm mđing hmư̆ hŏng phung thâo kơ h ƀuê ênuk. Mơ̆ng klei mngač Ba Đình mơ̆ng yan hla luh krŭ kdơ̆ng thŭn 1945, hdră mĭt klei hưn kơ klei lŏ čuê mơ̆ng klei đăo knang, klei jhŏng leh anăn klei čang hmăng Việt Nam, thiăm ai ktang čiăng kơ kluôm Đảng, jih jang mnuih ƀuôn sang leh anăn lĭng kahan hrăm mbĭt mkŏ mjing sa lăn čar mdrŏng sah, yâo mơak hlăm ênuk kpưn đĭ mrâo.