Klei hưn mdah mơ̆ng Phŭn bruă dhar kreh, mjuăt ktang asei mlei leh anăn hiu čhưn ênguê brei thâo, ară anei, kluôm ala mâo êbeh 40.000 knhuah gru leh anăn hlăm brô giăm 70 .000 knhuah gru dhar kreh amâo mâo êdah klă dưi ksiêm yap. Hlăm anăn mâo 37 knhuah gru mâo UNESCO čih yap. Blŭ hrăm hlăm mmông mă bruă, Khua gĭt gai Đảng, Khua lăn čar mtă kơ dhar bruă dhar kreh dlăng klă klei dưi mkŏ mjing, msir mghaih jih klei êdu kƀah, mbĭt anăn čŏng pô mđĭ lar dŭm mta mnơ̆ng dhơ̆ng ala čar hŏng hdră lŏ wĭt ba wĭt mnơ̆ng dhơ̆ng yuôm bhăn mơ̆ng ala tač êngao leh anăn msir mghaih klei kƀah djă pioh hƀuê ênuk đĭ kyar lăn čar êbeh 80 thŭn êgao.

Boh nik, Khua gĭt gai Đảng, Khua lăn čar mñă klă bruă klam mơ̆ng ênuk ară anei amâo djŏ knŏng răng mgang mnơ̆ng dhơ̆ng mơ̆ng aê aduôn đưm ôh ƀiădah lŏ čŏng pô mkŏ mjing mnơ̆ng dhơ̆ng kơ ênuk êdei. Anôk bruă dhar kreh čiăng mlih mơ̆ng klei mĭn kriê pioh ƀiădah jing čŏng pô mkŏ mjing hƀuê ênuk ala čar; mkŏ mjing hdră čuăl mkă "ai dưi mnơ̆ng kriê pioh" mơ̆ng hdră čuăl mkă, duh bi liê leh anăn mkŏ mjing "hră kak h ƀuê ênuk" kơ dŭm hdră bruă êdah êdi čiăng kriê pioh kluôm ênŭm boh tŭ yuôm h ƀuê ênuk sui thŭn.