Leh êbeh 2 hruê kăm pŏk ngă hlăm kdrăp yua hlăm anôk mă bruă (Web App) mâo Anôk bruă mkŏ mjing mkŏ mjing, klei bi lông jak iêu leh lu phung knuă druh, phung mniê leh anăn dŭm gưl mnuih ƀuôn sang čar Dak Lak nao hgŭm, hŏng êbeh 52.000 klei bi lông djŏ hdră. Hnơ̆ng tŭ jăk klei bi lông dưi tĭng dlăng jăk, lu phung bi lông mâo puăng jih hnơ̆ng 200 puăng hŏng wưng bi leh ƀiă.

Aduôn Nguyễn Thị Hồng Thái, Khua Êpul hgŭm bruă mniê čar Dak Lak, Khua Anôk bruă mkŏ mjing klei bi lông brei thâo, klei bi lông dưi bi mklă jing sa gưl bi kƀĭn bruă kđi čar prŏng, đru ba dŭm mta phŭn mơ̆ng dŭm Hdră mtrŭn wưng thŭn 2025 - 2030 truh giăm hĭn hŏng phung knuă druh, ƀĭng hgŭm lehanăn mnuih ƀuôn sang.Ti anôk bi kƀĭn, Êpul hgŭm bruă mniê čar Dak Lak mđup brei 9 klei pah mni êpul lehanăn 24 klei pah mni kơ pô.