Blŭ hrăm hlăm mmông mă bruă, Khua gĭt gai Đảng, Khua lăn čar Tô Lâm mtă kơ bruă Đảng, khua gĭt gai leh anăn jih jang phung knuă druh, lĭng kahan Sư đoàn kahan kahan jơ̆ng 308 brei mkŏ mjing Êpul kahan klă sĭt kjăp ktang hlăm bruă kđi čar, sĭt suôr hŏng Đảng, ala čar leh anăn mnuih ƀuôn sang. Anei jing boh klei mâo klei bhiăn, jing tur knơ̆ng mjing ai ktang bi blah mơ̆ng Lĭng kahan drei.

Kyua anăn, brei êpul kahan mđing êdi kơ bruă mjuăt bi hriăm kđi čar, gĭt gai klei mĭn, mjuăt bi hriăm knhuah gru; ngă kơ phung knuă druh, lĭng kahan jiă kma klei mĭn, knhuah hdĭp, hdră ngă bruă, knhuah mơ̆ng Awa, ktưn hưn kơ knhuah gru, mđĭ lar bruă klam, krơ̆ng kjăp knhuah kđi čar kjăp ktang, mâo klei đăo knang sĭt kơ klei Đảng gĭt gai, mâo ai tiê bi blah prŏng, mprăp tŭ mă leh anăn bi leh jăk bruă klam hlăm djăp boh klei. Khua gĭt gai Đảng, Khua lăn čar Tô Lâm đăo knang, hŏng knhuah gru "Ba anăp, jhŏng ktang, hgŭm mguôp, klei bhiăn, pral kdal, jhŏng bi blah, tŭ dưi", hŏng klei ktưn hưn mơ̆ng anôk bruă jhŏng ktang lĭng kahan yang ƀuôn, mâo knhuah gru, phung knuă druh, Sư đoàn kahan jơ̆ng 308 srăng lŏ dơ̆ng hgŭm mguôp, mlih mrâo, mbruă, čŏng pô, čŏng ktưn, găn jih klei dleh dlan, bi leh jăk jih bruă klam.