Bi kƀĭn kơ boh klei pŏk ngă bruă ksiêm wĭt jih jang hră mơar hdră bhiăn
Thứ năm, 04:00, 20/08/2026
VOV Tây Nguyên
VOV Tây Nguyên
VOV.Êđê- Aguah mbruê (19/8), ti anôk bruă knŭk kna, K'iăng khua knŭk kna Lê Tiến Châu gĭt gai leh klei bi kƀĭn kơ bruă hlue ngă klei ksiêm wĭt jih jang hră mơar klei bhiăn amâo mâo djŏ hlăm dŭm ênoh mrô ôh ksiêm yap ôh ƀiădah brei ksiêm dlăng hŏng hdră êlan mă bruă klă mngač, ruh mgaih jih klei gun kpăk hlăm klei bhiăn.
Leh hmư̆ klei blŭ mơ̆ng phung bi ala, K'iăng khua knŭk kna Lê Tiến Châu mñă klă, boh tŭ knhal tuč brei mkăp kơ hdră hluê ngă Hdră mtrŭn mrô 66 mơ̆ng Gưl dlông, Klei klah čŭn mrô 09 mơ̆ng Gưl dlông leh anăn Hdră tă mkŏ mjing hdră bhiăn wưng păn bruă Anôk bruă kƀĭn ala gưl XVI.
K'iăng khua knŭk kna mtă kơ boh tŭ mơ̆ng hdră ksiêm dlăng brei jing hdră msir, amâo djŏ knŏng jing anăn hră mơar. K'iăng khua knŭk kna mtă kơ khua gĭt gai dŭm phŭn, dhar bruă, alŭ wăl klă anăp gĭt gai lehanăn đua klam kơ klei djăp ênŭm, klă nik, hnơ̆ng tŭ jăk boh tŭ ksiêm dlăng. Dŭm boh klei klă klơ̆ng, djăp klei găl brei čŏng pô msir mgaih amâodah ba mdah msir mgaih mtam; mđing kơ dŭm bruă klam phŭn thŭn 2026 leh anăn 2027.
Viết bình luận