Ti anôk čang ênuh, Khua knŭk kna Lê Minh Hưng bi êdah klei ênguôt hnĭng êdi ti anăp klei djiê mơ̆ng Chu Dung Cơ, mbĭt anăn mơĭt klei bi juh kơ Đảng, Knŭk kna, mnuih ƀuôn sang China lehanăn găp djuê Chu Dung Cơ.

Êlâo anăn, Khua gĭt gai Đảng, Khua lăn čar Tô Lâm, Khua knŭk kna Lê Minh Hưng, Khua Anôk bruă kƀĭn ala Trần Thanh Mẫn leh anăn Khua hlăm Phŭn bruă kđi čar Trần Cẩm Tú mơĭt leh hră bi juh kơ phung khua kiă kriê China leh anăn găp djuê đồng chí Chu Dung Cơ. Pô bi ala China Hà Vĩ bi mni lač jăk kơ phung khua kiă kriê leh anăn Êpul bi ala Việt Nam nao čang ênuh, bi êdah klei dlăng yuôm klei mjĕ giăm, bi hgŭm plah wah dua Đảng, dua knŭk kna leh anăn mnuih ƀuôn sang dua ala čar.