Êdah êdi, phung hđeh Dak Lak mâo 114 klei pah mni ti Klei bi lông ruah phung hđeh hriăm thâo gưl ala čar gưl tlâo, mâo 3 klei pah mni mrô 1, 21 klei pah mni mrô 2, 34 klei pah mni mrô 3 leh anăn 56 klei pah mni mđĭ ai. Anei jing boh tŭ kdlưn hĭn mơ̆ng êlâo truh kơ ară anei, ba Dak Lak dôk tal 12 hlăm 34 čar, ƀuôn prŏng.

Ti Klei bi lông kreh knhâo - kdrăp mrâo gưl ala čar, phung hđeh mơ̆ng čar mâo 1 klei pah mni mrô 2, 1 klei pah mni mrô 3 leh anăn 3 klei pah mni mrô 4. Dua hdră bruă "Mkra mjing mnơ̆ng dhơ̆ng sinh học mgưt klĭt mơ̆ng klĭt boh durian" leh anăn "Krŭ wĭt bi mrâo mrang rup mnơ̆ng kriê pioh dhar kreh, bi mguôp sang kriê pioh ênuk mrâo bi mguôp" lŏ mâo mă Medai êa Mah WICO 2026 ti Seoul, Dhŭng Korea. Wưng anei, čar bi mni kơ phung hđeh hriăm hră leh anăn phung nai mtô klă anăp mjuăt bi hriăm phung hđeh mâo mă klei pah mni.