Anei jing kdrêč êlan dlông hĭn, mâo krĭng lăn leh anăn hdră ngă bruă dleh hĭn, mâo bruă klam mkŏ dua akŏ êlan. Hdră bruă kdrêč 2, êlan dơ̆ng pral Quy Nhơn - Pleiku dlông 68 km, mơ̆ng ƀuôn hgŭm An Nhơn truh kơ să Đak Đoa. Hdră bruă dưi duh bi liê 4 grông êlan êdeh, ênoh duh bi liê êbeh 27.500 êklai prăk.

Nguyễn Tự Công Hoàng, K'iăng khua knơ̆ng bruă sang čư̆ êa čar Gia Lai brei thâo, lăn ala dleh dlan, mbĭt hŏng yan adiê hjan prŏng mâo nanao ti Lăn Dap Kngư, mdưm klei čiăng prŏng kơ bruă mkŏ mjing klei ngă bruă, hnơ̆ng tŭ jăk leh anăn klei êđăp ênang bruă mkŏ mkra. K'iăng khua knơ̆ng bruă sang čư̆ êa čar Gia Lai mtă kơ pô duh bi liê, phung ngă bruă čŏng mprăp mnuih mă bruă, kdrăp mă bruă, mnơ̆ng yua; mkŏ mjing klei ngă bruă kreh knhâo, mbĭt anăn bi hgŭm kjăp hŏng dŭm alŭ wăl čiăng mtrŭt mđĭ bruă ruh mgaih anôk ala, hmao ruh mgaih klei dleh dlan, rơ̆ng hnơ̆ng ngă bruă.