Nao leh anăn blŭ hrăm hlăm knăm ba mdah, Kiăng khua Anôk bruă kƀĭn ala Nguyễn Thị Thanh mtă kơ grăp čô bi ala brei mđĭ hnơ̆ng ngă bruă, klei jih ai tiê lehanăn klei mbruă čiăng ngă djŏ hŏng klei čiăng mlih mrâo hlăm ênuk đĭ kyar mrâo mơ̆ng lăn čar. Kiăng khua Anôk bruă kƀĭn ala mñă klă, phung bi ala Bruă Kbĭn ala  jing anôk phŭn hlăm jih jang bruă mơ̆ng Anôk bruă kƀĭn ala, hlăm anăn phung truăn kơ bruă jing boh kdrŭt phŭn.

Ară anei, klei čiăng mkŏ mjing hdră bhiăn ƀrư̆ hruê ƀrư̆ đĭ, brei hdră ksiêm dlăng, bi mklă hdră bhiăn dưi bi hrŏ. Kyua anăn, phung bi ala brei čŏng pô bi ktưn, mđĭ lar klei thâo leh anăn jing anôk phŭn mơ̆ng klei mlih mrâo. Hluê si hdră kčah, êngao kơ bruă čih mkra hdră bhiăn leh anăn ksiêm dlăng, grăp thŭn Êpul srăng mkŏ mjing dŭm mta bruă klă klơ̆ng ti dŭm alŭ wăl čiăng thâo klă boh sĭt, mkăp kơ bruă čih mkra hdră bhiăn leh anăn klei akâo mơ̆ng mnuih ƀuôn sang.