Knuă druh jhŏng mĭn, jhŏng ngă kyua klei tŭ dưn mbĭt dưi lăm lui bruă klam kđi klei
Thứ ba, 05:00, 25/08/2026
VOV Tây Nguyên
VOV Tây Nguyên
VOV.Êđê- Hruê mbruê 24/8, Bruă kƀĭn ala bi mklă Hdră mtrŭn kơ klei bhiăn, hdră êlan mdê hjăn msir mghaih klei ngă soh djŏ tuôm hŏng bruă duh mkra knŭk kna, bruă duh mkra êngao knŭk kna, klei kreh knhâo, kdrăp mrâo, mlih mrâo hŏng klei knhêč leh anăn bi mlih mrô
Năng mđing, Hdră mtrŭn kčah mtrŭn amâo ksiêm dlăng phŭn agha kơ êpul êya, mnuih tơdah djăp ênŭm klei găl, hlăm anăn mâo klei čiăng amâo ƀơ̆ng ngăn, kyua klei tŭ dưn mbĭt. Dŭm bruă duh bi liê, mkra mjing, mnia blei, ba yua klei kreh knhâo, kdrăp mrâo, mlih mrâo hŏng klei knhêč, bi mlih mrô brei bi leh leh anăn ba wĭt boh tŭ dưn; amâo mâo klei kčŭt hưn amâo dah dưi msir mghaih jih.
Tơdah ngă luč liê ngăn drăp snăn brei msir mghaih jih klei truh. Hdră mtrŭn ăt bi hrŏ klei đua klam mơ̆ng phung tuôm hŏng klei truh, ngă luič liê kyua ba yua klei kreh knhâo, kdrăp mrâo, mlih mrâo mbruă, bi mlih mrô, tơdah hluê ngă djŏ hdră leh anăn hluê ngă djăp ênŭm hdră gang mkhư̆.
Viết bình luận