Klah čŭn mmông mă bruă, Khua gĭt gai Đảng, Khua lăn čar Tô Lâm mñă klă, mnuih mâo klei thâo jing boh kdrŭt hdră êlan yuôm bhăn mơ̆ng ala čar. Bruă mđĭ kyar, iêô jak leh anăn yua mnuih mâo klei thâo brei mdưm hlăm kluôm hdră êlan mđĭ kyar ala čar, mă klei tŭ ala čar, djuê ana leh anăn klei čiăng hluê ngă dŭm bruă klam hdră êlan ngă klei kdlưn hĭn.

Khua gĭt gai Đảng, Khua lăn čar mtă brei thâo ƀuh, tĭng dlăng mnuih mâo klei thâo phŭn êlâo hĭn hluê si knhuah, klei thâo sĭt, klei mĭn mbruă, mnơ̆ng dhơ̆ng klă klơ̆ng, boh tŭ dưn leh anăn klei đru mguôp; amâo bi kluôm mnuih mâo klei thâo hŏng mnuih mâo hră hriăm gưl dlông, bruă klam amâo dah thŭn mă bruă. Mbĭt anăn, brei bi mguôp iêo mthưr mnuih mâo klei thâo hŏng klei yuôm bhăn, jao bruă klam klă klơ̆ng; mlih mrâo hdră mtrŭn, mkŏ mjing wăl ngă bruă leh anăn pŏk mlar wăl đĭ kyar. Knŭk kna, dŭm phŭn, dhar bruă, alŭ wăl brei bi mklă dŭm bruă prŏng čiăng mnuih mâo klei thâo mgaih msir, mguôp hŏng mta kñăm, mnơ̆ng dhơ̆ng, wưng leh anăn hnơ̆ng čuăn tĭng dlăng.