Pă čô mâo ruah jing: Lê Văn Đông, Đào Thịnh Cường, Trần Thế Kính leh anăn Nguyễn Đức Bằng. Anei jing anăn hlue si hdră bhiăn kdlưn hĭn hlăm bruă  Pô ksiêm dlăng mơ̆ng Dhar bruă ksiêm dlăng. Blŭ hrăm hlăm mmông mă bruă, Khua gĭt gai Đảng, Khua lăn čar Tô Lâm hơêč hmưi kơ phung djŏ ruah, mbĭt anăn mñă klă anei jing klei ktưn hưn prŏng leh anăn ăt jing bruă klam ktrŏ ti anăp Đảng, Knŭk kna, mnuih ƀuôn sang,  Hdră bhiăn phŭn leh anăn hdră bhiăn.

Khua gĭt gai Đảng, Khua lăn čar mtă kơ phung Ksiêm dlăng mđĭ hnơ̆ng jăk ngă bruă kčŭt hưn, ksiêm dlăng hdră bhiăn; hlue si klei bi mklă, djŏ hdră bhiăn, mtăp mđơr leh anăn djŏ hlue si hnơ̆ng čuăn êlâo anăn. Mbĭt anăn, brei kjăp bi kdơ̆ng hŏng klei amâo djŏ, phưi phung ngă soh; amâo mjing klei phat mkra dŭm mta bruă sơ wil, hră mơar leh anăn amâo brei klei tŭ dưn êpul, ngă soh hŏng hdră bhiăn ngă amâo kơ bruă ngă thơ̆ng.