Lâm Đồng - Ênhiang mmuñ Mtah” jing asăp hưn mthâo phŭn ti Klei bi kƀĭn trông dŭm hdră êlan mđĭ kyar bruă hiu čhưn ênguê wưng thŭn 2026 - 2030, hnơ̆ng trah dlăng truh thŭn 2040, mâo Knơ̆ng bruă sang čư̆ êa čar Lâm Đồng mkŏ mjing hruê 25/8 ti Đà Lạt. Phung bi ala lač, leh bi mŭt mbĭt, Lâm Đồng mâo wăl anôk mđĭ kyar bruă hiu čhưn ênguê prŏng, lu jơr hĭn, hŏng klei găl kơ mnơ̆ng dhơ̆ng leh anăn klei dưi bi hgŭm krĭng.

Ƀiădah, alŭ wăl čiăng mlih mrâo klei mĭn kriê dlăng anôk truh, mgaih msir boh klei mnơ̆ng dhơ̆ng kƀah klei mdê hjăn, mđĭ klei bi hgŭm plah wah dŭm ktuê êlan, hdră bruă; mđĭ lar klei găl bruă hiu čhưn ênguê êa ksĭ, lăn mnga êa mơak, kriê dlăng klei suaih pral leh anăn bruă duh mkra mlam.Knơ̆ng bruă sang čư̆ êa čar Lâm Đồng bi mklă, bruă hiu čhưn ênguê brei dưi mđĭ kyar hlăm wăl anôk bi mguôp, mkŏ mjing ênoh yuôm đĭ hĭn, bi knar plah wah mđĭ kyar bruă duh mkra hŏng bruă kriê pioh lăn adiê, wăl hdĭp mda, dhar kreh leh anăn mđĭ klei hdĭp yang ƀuôn.Lâm Đồng tă hdră mđĭ kyar bruă hiu čhưn ênguê mtah, hơĭt kjăp, hnơ̆ng tŭ jăk, mđĭ lar klei găl "Krĭng čư̆ čhiăng - Êa ksĭ - Lăn dap kngư".