VOV.Êđê- Hruê 13/7, ti Anôk bruă Knŭk kna, Khua knŭk kna Lê Minh Hưng drông leh Khua bi ala kluôm ala čar Mi ti Việt Nam Jennifer Wicks.

VOV.Êđê- Knơ̆ng bruă sang hră mơar čar Dak Lak mâo bi klă ruah mbŏ êbeh 2.700 ênoh čuăn mŭt hriăm adŭ 10 ti dŭm sang hră gưl 3 Knŭk kna thŭn hriăm 2026 - 2027.

VOV.Êđê- Hruê mbruê 13/7, ti Hà Nội, Khua gĭt gai Đảng, Khua Lăn čar Tô Lâm nao hgŭm leh anăn blŭ hrăm hlăm klei kƀĭn tal 2 mơ̆ng Êpul gĭt gai gưl dlông kơ mđĭ kyar dhar kreh Việt Nam.

VOV.Êđê- Ti krah čư̆ čhiăng knông lăn Lai Châu, mâo sa čô đảng viên mnuih djuê ana La Hủ êbeh 35 thŭn đảng ăt gĭr nao hlăm grăp sang, truh grăp klei kƀĭn čiăng mtrŭt mjhar mnuih ƀuôn sang lui hdră bhiăn amâo lŏ djŏ, mă bruă knuă, răng mgang dliê, răng mgang krĭng knông lăn. Hŏng mnuih ƀuôn sang tinei, mduôn Ly Xạ Pu amâo djŏ knŏng jing pô mâo kơhưm, ƀiădah lŏ jing pô krơ̆ng kơ klei đăo knang ti ƀuôn ƀun ƀin mnuih La Hủ

VOV.Êđê- Čar Khánh Hòa dôk mkŏ mjing klei bi mlih klă mngač hlăm hdră mkra mlih bruă knŭk kna hlăk bi hrŏ wưng msir mghaih êbeh 1.100 hră mơar, truh giăm 60% ênoh hră mơar ba yua ti alŭ wăl.

VOV.Êđê- 6 mlan akŏ thŭn, bruă duh mkra- ala ƀuôn čar Khánh Hoà čih yap lu boh tŭ dưn jăk siam, hnư hrui wĭt mâo giăm 28.000 êklai prăk mbĭt hŏng lu hnơ̆ng čuăn yuôm bhăn dưi mâo leh anăn êbeh hdră kčah. Khădah snăn, mbĭt hŏng dŭm klei bi êdah jăk, lu phung bi ala Êpul gơ̆ng bruă ƀuôn sang čar lač Khánh Hòa brei hnưm bi hrŏ klei jưh knang hlăm hnư hrui mơ̆ng lăn, mkŏ mjing boh kdrŭt đĭ kyar mơ̆ng bruă mkra mjing, mnia blei, duh bi liê kơ klei hdĭp mda ala ƀuôn.

VOV.Êđê- Hŏng ai tiê mjing klei mĭn jing bruă bruă ngă, mjing hdră êlan jing boh tŭ, blŭ jing ngă, ngă mtam, ngă jih ai tiê, ngă truh knhal tuč leh anăn mâo klei tŭ dưn”, Khua knŭk kna Lê Minh Hưng bi mklă leh klei anei, hlăm klei blŭ hrăm mă klei blŭ mguôp mơ̆ng Khua gĭt gai Đảng – Khua lăn čar Tô Lâm hlăm klei bi kƀĭn knŭk kna grăp gưl mlan 6 leh anăn klei bi kƀĭn online Knŭk kna hŏng dŭm alŭ wăl.

VOV.Êđê- Kiă kriê mmông mă bruă hŏng Phŭn bruă kiă kriê bruă knuă kơ hnơ̆ng jăk mnuih mă bruă Việt Nam, hdră êlan mkŏ mjing bruă mă hơĭt kjăp ti krĭng ƀuôn sang, ƀuôn prŏng, krĭng mnuih djuê ƀiă, Khua gĭt gai Đảng, Khua lăn čar Tô Lâm lač klă: Klei mĭn, hdră êlan mơ̆ng Đảng leh anăn Knŭk kna jing mjing bruă mă hơĭt kjăp ti krĭng mnuih djuê ƀiă mguôp hŏng bi râo ai tiê, bi hrŏ ƀun hơĭt leh anăn kriê pioh knhuah dhar kreh.

VOV.Êđê- Tlam hruê 9/7, K’iăng khua knŭk kna Hồ Quốc Dũng mă bruă hŏng Adŭ bruă Anôk bruă gĭt gai hdră răng mgang klei êđăp ênang ala čar, bi ala dŭm phŭn, dhar bruă, anôk bruă djŏ tuôm kơ hdră gang mkhư̆, msir mghaih klei truh yan adiê ngă thŭn 2026.

VOV.Êđê- Aguah mbruê 9/7, ti ƀuôn hgŭm Ƀuôn Ama Thuô̆t, čar Dak Lak, Êpul bruă klei đăo Knŭk kna (Phŭn bruă djuê ana leh anăn klei đăo) mkŏ mjing klei kƀĭn trông hâo hưn, hlăk mblang hdră êlan, hdră bhiăn klei đăo.