VOV.Êđê- Hruê 15/9, Êpul ksiêm dlăng lu dhar bruă Sang mđung asăp blŭ Việt Nam, Phŭn bruă lĭng kahan leh anăn Phŭn bruă kahan ksiêm, mâo Vũ Hải Quang - K'iăng khua kiă kriê, Khua gĭt gai Anôk bruă gĭt gai lĭng kahan, Khua Anôk bruă gĭt gai gang mkhư̆ klei bi roh Sang mđung asăp blŭ Việt Nam ngă Khua êpul, hluê ngă leh hdră ksiêm dlăng bruă lĭng kahan, klei êđăp ênang, gang mkhư̆ klei bi roh, gang mkhư̆ klei pui ƀơ̆ng, klei êđăp ênang klei hâo hưn leh anăn răng mgang klei êđăp ênang ala čar ti Anôk bruă jưh dôk krĭng Lăn Dap Kngư (VOV Lăn Dap Kngư).

VOV.Êđê- Hruê mbruê (15/9) ti Hà Nội, Khua knŭk kna Lê Minh Hưng bi tuôm leh hŏng Mtao leh anăn mô̆ mtao Thái Lan ƀri gưl hriê čhưn ti ala čar Việt Nam.

VOV.Êđê- Bi hrô kơ klei dôk guôn hdră msir mâo leh, anôk bruă duh mkra dưi mtrŭt mjhar hưn mdah dŭm bruă klă klơ̆ng čiăng kơ bruă sang čư̆ êa mkŏ klei găl, mbĭt hŏng anôk bruă duh mkra kdrăp mrâo duah hdră msir. Anei jing mta phŭn dưi bi trông hlăm hdră "Kphê phung duh mkra" mâo čar Dak Lak mkŏ mjing.

VOV.Êđê- Dak Lak dôk čŏng pô ruah dŭm hdră bruă djŏ guôp hŏng klei găl mâo leh anăn klei čiăng mơ̆ng anôk bruă duh mkra Japon čiăng mtrŭt mđĭ hdră duh bi liê, hrô kơ hdră nao hgŭm lu tĭng. Anei jing klei hâo hưn mâo khua gĭt gai čar Dak Lak lač hlăm mmông mă bruă hŏng Anôk bruă bi ala Việt Nam ti Japon.

VOV.Êđê- Hruê 15/9 ti Quảng Ninh, Knơ̆ng prăk Knŭk kna Việt Nam (NHNN) leh anăn Knơ̆ng prăk Gưl dlông (NHTW) Indonesia hrăm mbĭt mkŏ mjing Klei bi kƀĭn Dhar bruă gưl dlông kơ Klei bi mŭt bruă ngăn prăk ASEAN (SLC) tal 32 leh anăn dŭm bruă djŏ tuôm.

VOV.Êđê- Tŭ ư klei iêo jak mơ̆ng Khua gĭt gai Đảng, Khua lăn čar Tô Lâm leh anăn Mô̆ ñu, Mtao ala mtao Thái Lan Maha Vajiralongkorn Phra Vajiraklaochaoyuhua leh anăn mô̆ ñu hriê čuă ala čar Việt Nam mơ̆ng hruê 14 truh 16/9.

VOV.Êđê- Hruê mbruê 15/9, ti Hà Nội, Khua knŭk kna Lê Minh Hưng nao ti Knăm mphŭn pŏk thŭn hriăm 2026 - 2027 mơ̆ng Sang hră ksiêm hriăm kơ bruă lĭng kahan - anôk bruă mtô mjuăt, mjuăt bi hriăm phung knuă druh gưl dlông leh anăn ksiêm hriăm kreh knhâo bruă lĭng kahan, răng mgang klei êđăp ênang mrô sa mơ̆ng Lĭng kahan leh anăn ala čar.

VOV.Êđê- Tlam hruê 14/9, ti Anôk bruă Đảng gưl dlông, Khua gĭt gai Đảng, Khua lăn čar Tô Lâm mă bruă hŏng dŭm anôk bruă gưl dlông kơ Hdră mkŏ mjing Klei bhiăn mrâo kơ đảng viên ngă bruă duh mkra êngao knŭk kna.

VOV.Êđê- Khánh Hòa mâo dŭm "anôk hrah" djă pioh klei yăl dliê Việt Nam kpưn đĭ nao kơ êa ksĭ, mơ̆ng dŭm gưl nao ksiêm dlăng Hoàng Sa, Trường Sa sui hŏng anei giăm sa êtuh thŭn truh kơ klei săn asei mơ̆ng phung lĭng kahan răng mgang klei dưi kiă kriê. Anôk bruă ksiêm hriăm kơ êa ksĭ leh anăn Wăl anôk bi hdơr Gạc Ma dôk lŏ yăl dliê klei anăn hŏng klei thâo, klei bi hdơr leh anăn bruă klam hruê anei.

VOV.Êđê- Dŭm mlan knhal jih thŭn, Anôk bruă sang čư̆ êa čar Khánh Hòa lŏ dơ̆ng gĭt gai dŭm knơ̆ng, dhar bruă, alŭ wăl păn kjăp hdră kčah đĭ kyar, gĭr ba hnơ̆ng đĭ kyar kluôm 9 mlan mâo 9,59%, mjing tur knơ̆ng kjăp čiăng bi leh mta kñăm đĭ kyar kluôm thŭn mâo êbeh 10%.