Bi ala kơ khua gĭt gai Đảng, Knŭk kna, Khua knŭk kna bi mni leh anăn hơêč hmưi kơ dŭm boh tŭ dưn, boh tŭ êdah kdlưn mâo Sang hră ksiêm hriăm kơ bruă lĭng kahan dưi mâo hlăm dăl 50 thŭn êgao. Sang hră mjuăt bi hriăm leh, mjuăt bi hriăm dŭm êbâo čô knuă druh gưl dlông mơ̆ng Đảng, Knŭk kna leh anăn êpul lĭng kahan; hur har ksiêm hriăm kreh knhâo, ksiêm wĭt boh sĭt, mđĭ kyar klei hâo hưn leh anăn hdră bruă lĭng kahan răng mgang klei êđăp ênang Việt Nam.

Ti anăp boh klei dlông rŏng lăn dleh dưi ksiêm dlăng leh anăn bruă klam răng mgang Ala čar mâo klei čiăng ƀrư̆ hruê ƀrư̆ lu, Khua knŭk kna Lê Minh Hưng ktrâo klă bruă klam phŭn mơ̆ng Sang hră mjuăt bi hriăm bruă lĭng kahan čiăng mđing hluê ngă. Khua knŭk kna mtă brei mjing klei kdlưn hĭn kơ hnơ̆ng tŭ jăk bruă mtô bi hriăm, mjuăt bi hriăm phung knuă druh bruă kđi čar, bruă lĭng kahan leh anăn phung knuă druh gưl dlông mơ̆ng Đảng, Knŭk kna, êpul lĭng kahan mguôp hŏng mđĭ hĭn hnơ̆ng tŭ jăk klei ksiêm hriăm kreh knhâo; ba Sang hră jing anôk bruă kăp kčĕ hdră êlan mrô sa kơ bruă lĭng kahan, răng mgang klei êđăp ênang mơ̆ng alŭ wăl./.