Khua gĭt gai Đảng, Khua lăn čar Tô Lâm lač klă, hdră êlan đảng viên ngă bruă duh mkra êngao knŭk kna jing boh tŭ mơ̆ng sa hdră mlih mrâo klei mĭn, ksiêm wĭt boh sĭt leh anăn mđĭ kyar klei hâo hưn mơ̆ng Đảng. Kyua anăn, dŭm klei bhiăn mrâo brei lŏ čuê dŭm mta phŭn dôk mâo ênoh yuôm leh anăn msir mghaih dŭm boh klei mrâo kơ klei dưi, mkŏ mjing bruă duh mkra, mbha mnơ̆ng dhơ̆ng leh anăn bruă klam đảng viên hlăm hdră duh mkra mnia mblei tă hdră yang ƀuôn ngă phŭn.

Khua gĭt gai Đảng, Khua lăn čar mtă, dŭm klei bhiăn mrâo brei đru kơ phung đảng viên hơĭt ai tiê duh myơr, mnia mblei djŏ hdră bhiăn; đru kơ êpul bruă Đảng dưi kiă kriê klă sĭt; đru kơ mnuih ƀuôn sang, anôk bruă duh mkra đăo knang kơ klei mtăp mđơr leh anăn kpă ênô mơ̆ng anôk bruă. Dŭm klei bhiăn mrâo brei nao mbĭt hŏng bruă hluê ngă Asăp mtrŭn 12 kơ bruă mkŏ mjing Đảng hlăm anôk bruă duh mkra êngao knŭk kna. Brei mđĭ kyar đảng viên mơ̆ng phung duh mkra êdah êdi, mbĭt anăn mđing kơ mnuih mă bruă thâo, kỹ sư, phung kreh knhâo leh anăn phung mă bruă êdah êdi.