Leh bi mŭt mbĭt hŏng Phú Yên, čar Dak Lak mrâo mâo ênhă êbeh 18.000 km², ênoh mnuih êbeh 3.3 êklăk čô, mkŏ mjing wăl đĭ kyar mâo wăt krĭng čư̆ čhiăng leh anăn ktuê hang ksĭ. Tĭng Yŭ mâo klei găl kơ kphê leh anăn dŭm mta mnơ̆ng dhơ̆ng bruă lŏ hma msĕ si tiu, boh durian, ksu, makka; tĭng Ngŏ mâo êa ksĭ, kdrŭn ksĭ, kan hdang, mbĭt hŏng klei găl kơ bruă hiu čhưn ênguê, bruă duh mkra êa ksĭ leh anăn logistics. Ară anei Dak Lak mâo 7 hdră duh bi liê klă anăp mơ̆ng Japon hŏng ênoh bi klă giăm 30 êklăk USD.

Čar bi mklă wưng kơ anăp srăng mđĭ wăt ênoh leh anăn hnơ̆ng jăk dŭm hdră bruă mơ̆ng Japon, mđing kơ dŭm hdră bruă mâo kdrăp mrâo, mjing ênoh yuôm leh anăn mâo klei bi mguôp hŏng anôk bruă duh mkra, mnuih ƀuôn sang alŭ wăl. Anôk bruă bi ala knŭk kna Việt Nam ti Japon đru bi hgŭm Êpul mă bruă Dak Lak hŏng Êpul bruă mtrŭt mđĭ klei mnia mblei Japon (JETRO) leh anăn Anôk bruă ASEAN