Boh phŭn ksiêm dlăng mđing kơ bruă mkŏ mjing, ngă bruă knŭk kna alŭ wăl dua gưl leh anăn hluê ngă dŭm bruă klam, hdră msir rơ̆ng klei đĭ kyar bruă duh mkra hluê si Hdră mtrŭn Klei bi kƀĭn XIV mơ̆ng Đảng. Blŭ hrăm ti anôk bi kƀĭn, Khua phŭn bruă hŏng tač êngao Lê Hoài Trung mtă kơ Anôk dlăng bruă Đảng čar Gia Lai lŏ dơ̆ng ksiêm dlăng, ruh mgaih pral dŭm klei dleh kpăk mâo, rơ̆ng kơ bruă sang čư̆ êa alŭ wăl dua gưl ngă bruă hŏng klei klă mngač, tŭ dưn, jĕ hŏng mnuih ƀuôn sang leh anăn jĕ hŏng alŭ wăl.

Mbĭt anăn, Gia Lai brei pŏk ngă mđrăm mbĭt dŭm hdră êlan mtrŭt mđĭ klei đĭ kyar, ba yua jăk klei găl, klei mâo mơ̆ng alŭ wăl; mđing msir mghaih dŭm anôk gun kpăk kơ klei duh bi liê, anôk bruă nah gŭ, hră mơar knŭk kna leh anăn hnơ̆ng jăk mnuih mă bruă; mbĭt anăn msir mghaih djăp ênŭm, djŏ wưng kčah dŭm klei êdu kƀah dưi ktrâo lač hlăm klei ksiêm dlăng, ktuê dlăng.