Ti anôk bi kƀĭn, Khua gĭt gai Đảng, Khua lăn čar Tô Lâm lač klă, Hà Nội dôk mŭt hlăm wưng đĭ kyar mrâo hŏng klei čiăng lu hĭn. Kyua anăn grăp klei bi mklă kơ phung knuă druh hmăi truh kơ ai dưi đĭ kyar mơ̆ng ƀuôn prŏng leh anăn rup anôk bruă knŭk kna ti anăp mnuih ƀuôn sang. Khua gĭt gai Đảng, Khua lăn čar đăo knang Anôk kriê dlăng bruă Đảng ƀuôn prŏng Hà Nội srăng mđĭ lar dŭm boh tŭ dưi mâo čiăng mkŏ mjing sa êpul knuă druh djŏ hnơ̆ng bruă klam, êpul mâo klei thâo, klei mĭn, mâo klei bhiăn, kpă ênuah, mâo klei thâo ngă bruă, rơ̆ng kơ bruă sang čư̆ êa ngă bruă hŏng klei klă mngač, tŭ dưn.

Mơ̆ng anăn đru kơ Hà Nội mgaih msir dŭm klei dleh dlan, dŭm bruă prŏng, mjing klei bi mlih hlăm bruă kriê pioh knhuah gru dhar kreh dŭm êbâo thŭn, mđĭ kyar năng hŏng klei jing ƀuôn prŏng phŭn, hlăm bruă mkŏ mjing ƀuôn prŏng, mơ̆ng ƀuôn prŏng phŭn leh anăn mđĭ klei hdĭp kơ mnuih ƀuôn sang.