K'iăng khua knŭk kna Phạm Gia Túc nao ti anôk bi kƀĭn gưl dlông bruă mnia mblei leh anăn duh bi liê ASEAN - China
Thứ sáu, 09:05, 18/09/2026
VOV Tây Nguyên
VOV Tây Nguyên
VOV.Êđê- Hruê 17/9, ti ƀuôn prŏng Nam Ninh, Krĭng čŏng kriê dlăng djuê ana Choang Quảng Tây, China, K'iăng Khua knŭk kna Phạm Gia Túc ngă khua êpul Việt Nam nao ti Knăm mphŭn pŏk Klei rang mdah mnơ̆ng dhơ̆ng China - ASEAN (CAEXPO) leh anăn Klei bi kƀĭn gưl dlông Mnia mblei leh anăn Duh bi liê China - ASEAN (CABIS) tal 23.
Blŭ hrăm ti knăm anei, K'iăng Khua knŭk kna Phạm Gia Túc bi mni kơ bruă mprăp mơ̆ng ala čar phŭn China leh anăn bruă sang čư̆ êa Quảng Tây; đăo knang CAEXPO leh anăn CABIS lŏ dơ̆ng pŏk klei găl bi hgŭm mrâo kơ anôk bruă duh mkra leh anăn mnuih ƀuôn sang ASEAN - China.
Hluê si K’iăng Khua knŭk kna, hlăm giăm 40 thŭn êgao, klei bi mjĕ ASEAN - China jing leh sa hlăm dŭm klei bi hgŭm tŭ dưn, hơĭt kjăp. Ênoh prăk bi mnia mblei dua tĭng đĭ êbeh 130 blư̆ leh anăn gưl tal êlâo êbeh 1.000 êklai USD hlăm thŭn 2025, ba ASEAN leh anăn China jing ƀĭng hgŭm mnia mblei prŏng hĭn mơ̆ng hdơ̆ng pô.
Viết bình luận