Hruê mbruê 15/9, ti Sang bruă kƀĭn ala, Khua gĭt gai Đảng, Khua lăn čar Tô Lâm leh anăn Mô̆ ñu gĭt gai knăm tŭ drông Mtao Thái Lan leh anăn Mtao mniê. Gưl nao čuă mkŏ mjing djŏ hlăm wưng dua ala čar bi hdơr 50 thŭn mkŏ mjing klei mjĕ giăm - gru kruăk jăk siam hlăm h ƀuê ênuk đĭ kyar klei mjĕ giăm dua tĭng. Gưl hiu čhưn mơ̆ng Mtao Thái Lan bi klă dŭm klei kuôl kă bruă hŏng tač êngao gưl dlông plah wah khua gĭt gai dua ala čar wưng êgao, boh nik klei kuôl kă pŏk ngă tŭ dưn hdră êlan "Tlâo klei mkŏ".

Anăn jing Mđĭ kyar hdră mkăp mnơ̆ng dhơ̆ng, bi hgŭm mkra mjing leh anăn bruă duh mkra plah wah dua ala čar; Mđĭ kyar anôk bruă duh mkra leh anăn alŭ wăl; Mđĭ kyar dŭm hdră êlan đĭ kyar hơĭt kjăp; gĭr ktưn hnưm ba hnơ̆ng bruă mnia blei dua tĭng truh ti hnơ̆ng 25 êklai USD hluê hdră bi knar, hơĭt kjăp. Gưl nao čhưn srăng čih sa gru kruăk mrâo hlăm h ƀuê ênuk klei mjĕ giăm dua ala čar, ba klei bi hgŭm Việt Nam-Thái Lan đĭ kyar ƀrư̆ hruê ƀrư̆ êlam, klă sĭt, hơĭt kjăp leh anăn tŭ dưn, kyua klei tŭ dưn mơ̆ng mnuih ƀuôn sang dua ala čar, kyua klei êđăp ênang, hơĭt kjăp leh anăn mdrŏng sah mơ̆ng krĭng wăl../.