8 mlan thŭn 2026, bruă duh mkra- ala ƀuôn mơ̆ng čar Khánh Hòa lŏ dơ̆ng krơ̆ng kjăp hnơ̆ng đĭ kyar jăk. Hlăm anăn mnia mblei, bruă nah tluôn leh anăn hiu čhưn ênguê mâo klei đru mguôp prŏng hŏng ênoh prăk mnia mblei mnơ̆ng dhơ̆ng leh anăn hnư hrui wĭt bruă duh mkra êbeh 156.000 êklai prăk, đĭ giăm 20 % mkă hŏng wưng anei thŭn dih. Tuê hiu čhưn ênguê mâo 18 êklăk gưl, đĭ giăm 40%; prăk hrui wĭt bruă hiu čhưn ênguê mâo êbeh 60.000 êklai prăk, đĭ 19,2%.

Hlăm hdră tă dŭm mlan knhal jih thŭn, čar Khánh Hòa bi mklă bruă hiu čhưn ênguê, rŭ mdơ̆ng, duh bi liê leh anăn bruă tuh tia jing dŭm mta bruă čiăng mđing kñăm mkăp kơ hnơ̆ng kčah đĭ kyar. Dŭm alŭ wăl ti Khánh Hòa dôk mjêč bi leh gưl kdlưn hĭn 90 hruê ruh mgaih anôk ala, msir mghaih dŭm anôk kpăk kơ lăn ala, hră mơar duh bi liê, mơ̆ng anăn mtrŭt mđĭ bruă bi liê ngăn prăk knŭk kna.