Hlăm wưng êgao, Anôk bruă jưh dôk krĭng Lăn Dap Kngư hluê ngă kjăp, pŏk ngă dŭm hdră mtrŭn, asăp mtrŭn mơ̆ng Đảng, hdră bhiăn Knŭk kna. Knŭk kna leh anăn klei gĭt gai mơ̆ng Sang mđung asăp blŭ Việt Nam kơ bruă lĭng kahan, klei êđăp ênang, gang mkhư̆ phung ngă soh, gang mkhư̆ klei pui ƀơ̆ng, klei êđăp ênang klei hâo hưn leh anăn răng mgang klei êđăp ênang ala čar.

Klah čŭn klei ksiêm dlăng, Vũ Hải Quang mñă klă Anôk bruă dôk jưh krĭng Lăn Dap Kngư jing anôk bruă yuôm bhăn mơ̆ng Sang mđung asăp blŭ Việt Nam, mâo anôk, bruă klam yuôm bhăn hlăm bruă hluê ngă bruă klei hâo hưn, mtô mblang ti alŭ wăl. Ñu mtă kơ Anôk bruă lŏ dơ̆ng mđĭ lar bruă klam hâo hưn phŭn, hmao ba hdră mtrŭn, hdră êlan mơ̆ng Đảng, hdră bhiăn mơ̆ng Knŭk kna truh kơ mnuih ƀuôn sang, boh nik mnuih ƀuôn sang dŭm djuê ƀiă; čŏng păn kjăp boh klei, hưn mdah klă boh sĭt alŭ wăl, đru rơ̆ng kjăp klei êđăp ênang bruă kđi čar, lĭng kahan, klei êđăp ênang.