Khua knŭk kna Lê Minh Hưng bi tuôm hŏng Mtao leh anăn mô̆ mtao Thái Lan
Thứ tư, 10:11, 16/09/2026
VOV Tây Nguyên
VOV Tây Nguyên
VOV.Êđê- Hruê mbruê (15/9) ti Hà Nội, Khua knŭk kna Lê Minh Hưng bi tuôm leh hŏng Mtao leh anăn mô̆ mtao Thái Lan ƀri gưl hriê čhưn ti ala čar Việt Nam.
Khua knŭk kna Lê Minh Hưng mñă klă gưl hiu čhưn jing bruă mâo dua ala čar čang guôn leh anăn mprăp mơ̆ng sui, mâo boh tŭ yuôm hlăm bruă bi kjăp, bi êlam hĭn klei mjĕ giăm, bi hgŭm Việt Nam - Thái Lan, boh nik hlăm boh klei dua ala čar mđĭ klei bi hgŭm jing Ƀĭng hgŭm phŭn kluôm dhuôm thŭn 2025.
Bi trông kơ dŭm mta phŭn bi hgŭm prŏng plah wah dua ala čar hlăm wưng kơ anăp, Khua knŭk kna Lê Minh Hưng mtă kơ dua tĭng lŏ dơ̆ng krơ̆ng kjăp klei bi trông êpul, bi tuôm gưl dlông leh anăn dŭm gưl; bi hgŭm pŏk ngă tŭ dưn Hdră ngă bruă pŏk ngă klei bi hgŭm Ƀĭng hgŭm phŭn kluôm dhuôm Việt Nam - Thái Lan wưng thŭn 2026-2031 mrâo mâo dua tĭng bi siñê mlan 5/2026.
Viết bình luận