Ti anôk bi tuôm, Khua gĭt gai Đảng, Khua lăn čar Tô Lâm kah mbha, hŏng mta kñăm mđĭ kyar hlăm ênuk gưl mrâo, leh Klei bi kƀĭn tal XIV mơ̆ng Đảng Cộng sản Việt Nam ba mdah leh lu Hdră mtrŭn yuôm bhăn leh anăn čang hmăng Đảng Cộng sản Liên bang Nga leh anăn dŭm anôk bruă Đảng mkăn mơ̆ng Nga srăng lŏ dơ̆ng sa ai, bi hgŭm kjăp hŏng Đảng Cộng sản Việt Nam čiăng ba klei bi mjĕ dua Đảng, dua Knŭk kna đĭ kyar mrâo, ƀrư̆ hruê ƀrư̆ klă sĭt, tŭ dưn.

Khua gĭt gai Đảng, Khua lăn čar Tô Lâm đăo knang klei bi hgŭm plah wah dua Đảng srăng lŏ dơ̆ng đru mguôp jăk hlăm klei đĭ kyar ktang, hơĭt kjăp mơ̆ng dua ala čar leh anăn bruă bi kjăp hdră bruă cộng sản leh anăn mnuih mă bruă tar rŏng lăn, mbĭt anăn đru mguôp yuôm bhăn hlăm klei êđăp ênang, hơĭt kjăp, đĭ kyar hơĭt kjăp mơ̆ng alŭ wăl leh anăn tar rŏng lăn.