Hdră bruă "30 hruê mlam" bi mklă mrô krĭng pla mjing, anôk đŭng hruh mâo Dak Lak pŏk ngă mơ̆ng hruê 7/8 truh 7/9, mđing ksiêm dlăng, hrui mă, bi mklă leh anăn bi mlih mrô krĭng pla mjing, anôk đŭng hruh hlăm kdrăp mrô kơ ana boh durian.

Dŭm êpul bruă bi hgŭm hŏng bruă sang čư̆ êa alŭ wăl trŭn truh kơ alŭ wăl, bi mklă klei hâo hưn, ƀrư̆ ƀrư̆ ba mrô krĭng pla mjing hlăm kdrăp kriê dlăng, mâo ênhă, anôk, pô kriê dlăng, hră mơar leh anăn boh sĭt bruă pla mjing hlăm alŭ wăl. Mbĭt hŏng boh tŭ dưn 60% ênhă mrô krĭng pla mjing leh anăn anôk đŭng hruh dưi bi mklă, Dak Lak ăt ƀuh dŭm bruă dôk mâo hlăm krĭng pla mjing, msĕ si klei mtŭk mtŭl kơ hdră ngă bruă, hdră mnêč leh anăn hră mơar ka djăp ênŭm.