Blŭ hrăm ti anôk bi tuôm, Khua gĭt gai Đảng, Khua lăn čar mñă klă, Đảng, Knŭk kna mâo nanao klei uêñ mĭn kriê dlăng, răng mgang jăk hĭn klei dưi, klei tŭ dưn djŏ klă mơ̆ng êpul êya mnuih Việt Nam ti ala tač êngao, ăt msĕ mơh mjing klei găl kơ mnuih Việt Nam ti ala tač êngao ƀrư̆ hruê ƀrư̆ siă suôr hŏng ƀuôn sang.

Hŏng ai tiê anei, Khua gĭt gai Đảng, Khua lăn čar Tô Lâm iêô mthưr mnuih ƀuôn sang drei ti ala tač êngao sa ai hŏng ai tiê mơ̆ng Hdră mtrŭn mrô 23 mơ̆ng Gưl dlông; čŏng pô nao hgŭm, êlam hĭn hlăm bruă mkŏ mkra, mđĭ kyar lăn čar leh anăn răng mgang Ala čar mơ̆ng hnưm, mơ̆ng kbưi. Êpul êya mnuih Việt Nam ti Russia lŏ dơ̆ng mđĭ lar knhuah gru bi hgŭm mguôp, thâo khăp, bi đru hdơ̆ng găp; hur har nao hgŭm, hluê ngă jăk hdră bhiăn ti anôk pô dôk; mkŏ mjing sa êpul êya mnuih Việt Nam kreh dhar, mbruă, đua klam leh anăn jiă knhuah gru.