Ti anôk bi kƀĭn, phung bi ala brei leh klei blŭ kơ dŭm hdră bhiăn, hdră mtrŭn: Hdră bhiăn lăn ala (lŏ mlih mrâo); Hdră bhiăn sang dôk (lŏ mlih mrâo); Hdră bhiăn mnia mblei sang lăn (lŏ mlih mrâo); Hdră bhiăn ngăn prăk knŭk kna (bi mguôp); Hdră bhiăn mkra mlih, thiăm mbŏ dŭm mta mơ̆ng Hdră bhiăn duh bi liê; Hdră bhiăn hluê ngă klei êngiê yang ƀuôn ti gưl nah gŭ (lŏ mlih mrâo)…

Khua knŭk kna Lê Minh Hưng mtă brei mjêč bi leh jih jang hră mơar mơ̆ng dŭm hdră bhiăn, hdră mtrŭn leh anăn mñă klă klei čiăng kluôm jing brei mđĭ lar leh anăn ba yua tŭ dưn ai dưi; răng mgang klei dưi, klei tŭ dưn djŏ hdră bhiăn mơ̆ng mnuih ƀuôn sang, anôk bruă duh mkra; mđĭ klei tŭ dưn kriê dlăng knŭk kna. Ăt ti anôk bi kƀĭn, Khua knŭk kna mñă ktang lŏ dơ̆ng gĭt gai, mtrŭt mđĭ klei duh bi liê bruă knŭk kna, ruh mgaih dŭm klei dleh kpăk čiăng ba dŭm hdră bruă dôk êmưt, sui truh kơ klei ngă bruă. Mbĭt anăn, lŏ dơ̆ng krơ̆ng kjăp bruă duh mkra kluôm, ksiêm dlăng klei prăk luič ênoh, rơ̆ng dŭm klei bi knar prŏng. Phŭn bruă sang hră mtô bi hriăm brei mghaih msir jih hnơ̆ng klei kƀah hdruôm hră mtô bi hriăm, rơ̆ng hnơ̆ng tŭ jăk leh anăn klei doh ê ƀăt mnơ̆ng ƀơ̆ng hlăm dŭm sang hră…