Tlam hruê 12/1, Êpul mă bruă mơ̆ng kơiăng khua knŭk kna mâo Hồ Quốc Dũng ngă Khua êpul nao čuă leh mnuih ƀuôn sang krĭng êa lip să Hòa Thịnh lehanăn mă bră hŏng Knơ̆ng bruă sang čư̆ êa čar Dak Lak čiăng ksiêm dlăng, mtrŭt hdră êlan Quang Trung, mdơ̆ng, mkra sang dôk kơ dŭm gŏ sang luič liê leh gưl adiê hjan êa lip ngă. Kơiăng khua knŭk kna nao čuă, mđĭ ai dŭm gŏ sang hmăi mơ̆ng gưl adiê hjan êa lip nhal jih thŭn 2025 leh êgao, mơak hŏng mnuih ƀuôn sang mâo sang dôk mrâo, mtă pral bi hơĭt klei hdĭp.

Hluê klei hưn, tĭng truh hruê 12/1, Dak Lak mkra leh 892 boh sang jhat rai, hlăm 606 boh sang mdơ̆ng mrâo, ngă leh 529 boh sang, mâo êbeh 87%, ênoh adôk hlăk dôk mjêč hluê ngă. VOV.Êđê-   Kơiăng khua knŭk kna Hồ Quốc Dũng mtă kơ čar Dak Lak mđing djăp klei găl mâo bi leh 77 boh sang dôk, mđĭ bruă mkra anôk bruă nah gŭ, hnưm bi hơĭt klei hdĭp mnuih ƀuôn sang krĭng êa lip lêč./.