Tlam mbrue 12/1, Khua knŭk kna Phạm Minh Chính, Khua kiă kriê bruă ala čar kơ hră mơar, gĭt gai leh klei bi kƀĭn tal sa, mơ̆ng anôk bruă kiă kriê ala čar klei kơ hră mơar, mâo mkŏ mjing leh ti anôk bruă knŭk kna lehanăn mkŏ online hŏng 34 boh čar, ƀuôn prŏng hlăm kluôm ala. Tui si klei hâo mdah, bruă kơ hră mơar hlăm ala čar ba wĭt leh klei tŭ dưn jăk, hŏng 107 êklăk čô mnuih mâo kiă kriê leh lehanăn 50 klei dưi dưn yua mâo mkăp hlăm VNeID, đru bi hrŏ mơ̆ng 30–50% ênoh bi liê kơ mnuih ƀuôn sang lehanăn phung duh mkra.

Truh ară anei, 3.289 hlăm ênoh 3.321 boh ƀuôn hgŭm mâo leh kjăp bruă kiă kriê hră mơar kơ lăn ala. Blŭ gĭt gai klei bi kƀĭn, khua knŭk kna mñă, bruă kiă kriê djăp mta hră mơar jing atur kơ klei mđĭ kyar hlăm klei thâo mĭn, kyuanăn jih jang dŭm phŭn dhar bruă, alŭ wăl ngă bi kjăp bruă kiă kriê djăp mta hră mơar. Khua knŭk kna mñă, klei êđăp ênang kơ bruă kiă kriê hră mơar, jing klei răng kriê kjăp kơ kluôm ala, kơ djuê ana lehanăn hŏng êbeh 100 êklăk čô mnuih.